1 Samuel 25:3 - Manobo Western Bukidnon OT

³ Ne egngezanan haazà ki Nabal he ebpuun te kevuwazan ni Caleb, ne iyan esawa zin si Abigail. Mesinevuten wey metaid si Abigail, piru si Nabal melemu he egkepauk wey mezaat is betasan.

1 Samuel 25:3 ပူးပေါင်းရင်းမြစ်များ

Genesis 12:11

Ne hein meǥaan dan en ebpekeuma ziyà te Ehipto, migkeǥiyan din is esawa zin te, “Sikew, utew ka mekempet he vahi.

Salmo 10:3

Ibpahambug dan is menge mezaat he tinguhè dan. Is menge etew he azen is dekelà diyà te ǥehinawa zan, ebpenrawak wey ed-undaunda kenikew, Nengazen.

Erubasa 14:1

Is bahi he uluwanen, ebpurungan din is pemilya zin, iyan, is tulebung mulà he vahi edezeetan din is kandin he pemilya.

Erubasa 19:14

Is baley wey zuma pa he menge azen, egkepengevilin diyà te ginikanan, iyan, Nengazen mulà is ebpekeveǥey te uluwanen he esawa.

Erubasa 30:22

Is suluǥuen he nehimu he hadì, is tulebung he neezenan te minsan hengkey he egkesuatan din te egkaan, is egkengeepesan he vahi he neesawa, wey is uripen he vahi he ebpekeliwan te vahi he teǥiuripen kandin.

Erubasa 31:10

Is buutan he esawa mahal pa kenà is menge rubi, iyan, utew mereǥen he ebpen-ahaan.

Erubasa 31:26

Emun egkaǥi sikandin ne egketuusan ta he uluwanen sikandin, ne meelima sikandin he ebpenurù.

Josue 15:13

Midtuman ni Josue is insuǥù kandin te Nengazen, umbe imbeǥey zin is senge vahin duen te tanà te tribu ni Juda ziyà te ki Caleb he anak ni Jefune. Heini he tanà iyan is Kiriat Arba, he iyan is Hebron. (Su ngazan heini ni Arba te amey ni Anak.)

1 Samuel 25:17

Guntaan is-isipa nu ke hengkey is meupiya he ebeelan nu, su ebpekeveǥey heini te kezeetan diyà te esawa nu pehendiyè en te tivuuk he pemilya. Utew mezaat is betasan din, ne wazè din ebpemineǥen he etew.”

1 Samuel 25:25

Deyzey pezem ke ebeleǥazen nu en heeyan is mezaat he etew he si Nabal, su egkevunegbuneg heeyan, umbe Nabal is ngazan din. Piru, datù, wazè ku maahà is menge etew he menge sinuǥù nu.

1 Samuel 25:4

Hein nezineg ni David diyà te sibsivayan, he ziyà si Nabal te Carmel is ebpepen-alut te menge kerehidu zin,

1 Samuel 30:14

Midsurung dey is sakup te Negev he mid-ubpaan te menge Kiritnen, he sakup te Juda, wey apil pa is sakup te Negev he ed-ubpaan te menge kevuwazan ni Caleb. Ne mibinsulan dey zaan is Ziklag.”