1 Samuel 25:29 - Manobo Western Bukidnon OT

²⁹ Minsan pa ke zuen edtinguhà te kedhimatey kenikew, ebpengelangan ka te Nengazen he Megbevayè nu iring te etew he edtipig te mahalen he menge azen. Piru is menge kuntada nu ne ibpenlimpawes iring te idlimpawes te etew he vatu.

1 Samuel 25:29 ပူးပေါင်းရင်းမြစ်များ

Genesis 15:1

Ne hein neiwas haazà, mibpekidlalag ki Abram is Nengazen , ke sikandin te, “Abram, kenè ka mahandek, su edlevanan ku sikew wey ebeǥayan ku sikew te utew zekelà he suhul.”

2 Samuel 4:8

Hein nekeuma zan diyà te Hebron, mid-uwit dan is ulu ni Ishboshet diyà te ki David he ke sikandan te, “Heini en is ulu ni Ishboshet he anak duen te kuntada nu he si Saul he edhimatey pezem kenikew. Iyan is Nengazen mibales diyà te ki Saul ǥuntaan wey ziyà te menge kevuwazan din para kenikew.”

Job 27:22

Henduen be te kenè en heini egkehizu he edhiyup kandin te ebpenigudu para mekelingkawas.

Salmo 116:15

Egkesekitan is Nengazen emun duen ebpatey zuen te menge etew zin.

Salmo 54:3

su zuen menge lumelengyawà he midsurung kedì su edhimetayan e zan. Menge mesipala sikandan ne wazè dan mekekilala kenikew.

Salmo 66:9

Edtipiǥan din is untung tew, ne wazè din ituǥut he mezeeti kiw.

Jeremias 10:18

Su iyan heini migkaǥi te Nengazen: Pemineg kew! Ibpaawè ku sikiyu kayi he tanà. Edresayen ku sikiyu wey niw meǥezami is pauk ku.

Malakias 3:17

Migkaǥi is Nengazen he Mekeǥeǥehem te, “Egkehimu sikandan he menge etew ku. Dutun te andew te kedhukum ku ne egkaangken ku en sikandan. Egkehizuwan ku sikandan, iring a te amey he egkehizu te anak din he nenilbi kandin.

Deuteronomio 33:29

Utew kew zeyzey is menge etew te Israel! Wazà iring keniyu su iyan kew menge etew he midlibri te Nengazen. Is Nengazen iyan ebpengalang wey edtavang keniyu, ne iyan sikandin ebpekidtebek para keniyu. Ebpenanap is menge kuntada niw pehendiyà te keniyu, ne edtekutakan niw is menge peka zan.”

1 Samuel 2:9

Ebentayan din is gaked din he menge metinumanen, ne is menge mezaat ne edèdeetan din. Su wazà etew he ebmezeeǥen pinaaǥi zà te kandin he ebilidad.