1 Samuel 25:26 - Manobo Western Bukidnon OT

²⁶ “Umbe guntaan, kenà egkesuat is Nengazen he mekevales ka wey mekepatey ka. Ibpenangdù ku ziyà te uuyag he Nengazen wey ziyà te kenikew he is menge kuntada nu wey is langun he egkesuat he ebpesipala kenikew ne meiringi zan is egkeulaula ki Nabal.

1 Samuel 25:26 ပူးပေါင်းရင်းမြစ်များ

Genesis 20:6

Midtavak is Nengazen te, “Uya, netuenan ku he wazà mezaat he tuyù nu kandin, umbe mibpengelinteuwan ku he kenè ka mekeuvey kandin, su wey ka kenà mekesalà kedì.

2 Samuel 18:32

Mid-insaan sikandin te hadì te, “Kemuste en si Absalom? Wazè ded be sikandin memenu?” Midtavak haazà is etew te, “Berakat he is neulaula kandin ne iyan daan egkeulaula te langun he menge kuntada nu, Mahal he Hadì.”

2 Hadì 2:2

Ne migkeǥiyan ni Elias si Elisha te, “Kayi ke zà, su ibpehendiyà a te Nengazen te Betel.” Piru midtavak si Elisha te, “Ebpenangdù a ziyà te uuyag he Nengazen wey ziyà te kenikew he kenà a edsuwey kenikew.” Umbe mibpezumehè dan en diyà te Betel.

2 Hadì 4:6

Ne hein nepenù en is langun he menge teleǥuey, migkeǥiyan din is anak din te, “Duwali e pa keniyu te teleǥuey.” Midtavak is anak din te, “Wazè en teleǥuey.” Ne zutun dutun mid-engked is kedtudà te lana.

Salmo 44:3

Piru iyan tutuu is, kenà pinaaǥi te ǥumaan wey ketau te kebpekidtebek is ingkeengkena te menge kepuun dey kayi he tanà, kekenà, tenged te ǥehem nu, ebilidad nu, wey hizu nu kandan tenged te kebmahala nu kandan.

Erubasa 31:12

Is buutan he vahi ne taman en te kebpatey zin, ne kenà sikandin ed-ula-ula te minsan hengkey he ebpekezezaat te esawa zin.

Jeremias 29:22

Heini is egkehitavù kandan egemiten te menge tig-Juda he mibihag diyà te Babilonia emun ebpenrawak dan te zuma. Egkaǥi zan te, ‘Berakat he himetayi ka te Nengazen iring ki Zedekia wey ki Ahab he intavun te hadì te Babilonia.’

Daniel 4:19

Neipeng wey nahandek si Daniel (he egngenazan daan te Belteshazar) te kegkezineǥa zin dutun te lalag te hadì. Umbe migkeǥiyan sikandin dutun te hadì te, “Belteshazar, kenè ka meipeng tenged te teǥeinep ku wey kehuluǥan din.” Ne midtavak si Belteshazar te, “Mahal he Hadì, meupiya pezem ke is teǥeinep nu wey is kehuluǥen din, ne ziyà egkehitavù te menge kuntada nu ne kenà diyà te kenikew.

1 Samuel 1:26

Migkeǥiyan ni Hana si Eli te, “Datù, egketenuzan nu pa vuwa, iyan a kes bahi he midhitindeg kayi zengan is ebpengemuyù diyà te Nengazen.

1 Samuel 2:9

Ebentayan din is gaked din he menge metinumanen, ne is menge mezaat ne edèdeetan din. Su wazà etew he ebmezeeǥen pinaaǥi zà te kandin he ebilidad.

1 Samuel 20:16

Umbe, midhimu si Jonatan te kesebutan diyà te pemilya ni David, ne migkaǥi sikandin te, “Deyzey ke ipehimetayi ka te Nengazen te menge kuntada nu emun kenè nu edtumanen is hangyù ku.”

1 Samuel 20:3

Midtavak si David te, “Netuenan te amey nu he utew ki teleelukuy, umbe ed-elesan ke zin te planu zin he edhimetayan e zin su kela ke mebmesakit is gehinawa nu. Piru egkeǥiyen ku kenikew ziyà te etuvangan te uuyag he Nengazen, he ǥuntaan ebpemiligru-a te kemetayen.”

1 Samuel 22:3

Puun dutun ne midhendiyà si David te Mizpa he sakup te Moab ne migkeǥiyan din is hadì te Moab te, “Edtuǥutan nu vuwa is menge ginikanan ku he ebpekeubpè dan pa kayi teǥaad te egketuenan ku ke hengkey is ebeelan te Megbevayà para kedì?”

1 Samuel 25:25

Deyzey pezem ke ebeleǥazen nu en heeyan is mezaat he etew he si Nabal, su egkevunegbuneg heeyan, umbe Nabal is ngazan din. Piru, datù, wazè ku maahà is menge etew he menge sinuǥù nu.

1 Samuel 25:39

Hein nezineg ni David he minatey en si Nabal, migkaǥi sikandin te, “Edeliǥen is Nengazen! Su iyan sikandin mibales ki Nabal te ked insultuwa zin kedì, wey inlikey e zin te kebales. Midsilutan din si Nabal te kenà meupiya he mibeelan din kedì.” Ne midsuǥù si David te menge etew he ibpelalag ki Abigail he ed-esewaan din.

1 Samuel 26:10

Ibpesarig ku he edsilutan sikandin te uuyag he Nengazen, ne iyan is Nengazen edhimatey kandin, etawa ebpatey sikandin te daru etawa tebek.