1 Samuel 25:22 - Manobo Western Bukidnon OT

²² Deyzey ke edsilutan a te Megbevayà te utew mereǥen ke kenè ku egkaamin te edhimatey is langun he menge maama he sakup din.”

1 Samuel 25:22 ပူးပေါင်းရင်းမြစ်များ

1 Hadì 14:10

Tenged kayi, edezeetan ku is pemilya nu. Ebpenhimetayan ku is langun he sakup te pemilya nu he menge maama, uripen etawa kenà. Ebpurungan ku edezeeti is pemilya nu iring te meremerik he vutang he ebinsulan he wazà duen egkesamà.

1 Hadì 16:11

Kebpuun kedhadì ni Zimri, mibpenhimetayan din is tivuuk he pemilya ni Baasha. Ne wazè din midsamà he maama minsan diyà te menge kezuzumahi wey menge emiǥu ni Baasha.

1 Hadì 21:21

Ne iyan heini egkeǥiyen te Nengazen diyà te kenikew: ‘Edezeetan ku sikew. Ebpenhimetayan ku is langun he kevuwazan nu he menge maama, uripen man etawa kenà.

2 Hadì 9:8

Egkezeetan is tivuuk he pemilya ni Ahab. Ebpenhimetayan ku is langun he sakup te pemilya zin he menge maama, uripen man etawa kenà.

Ruth 1:17

Ke hendei ka ebpatey zutun a zaan ebpatey, ne zutun a zaan idleveng. Berakat he siluti a te Nengazen te utew meveǥat emun edsuwayan ku sikew ǥawas te kemetayen.”

1 Samuel 14:44

Midtavak si Saul te, “Uya! Su emun kenè ku sikew ebpehimetayan, deyzey pezem ke iyan ad edsilutan te Megbevayà te utew mereǥen.”

1 Samuel 20:13

Ne emun duen tuyù te amey ku te kedhimatey kenikew, ne kenè ku egkeǥiyen kenikew wey ka mekepelaǥuy, ne deyzey pa ke siluti ad te Nengazen te utew mereǥen. Berakat he iyan is Nengazen eduma kenikew iring te keduma zin te amey ku zengan.

1 Samuel 20:16

Umbe, midhimu si Jonatan te kesebutan diyà te pemilya ni David, ne migkaǥi sikandin te, “Deyzey ke ipehimetayi ka te Nengazen te menge kuntada nu emun kenè nu edtumanen is hangyù ku.”

1 Samuel 3:17

Migkaǥi si Eli te, “Hengkey is migkaǥi kenikew te Nengazen? Kenè nu i-eles kedì. Utew mereǥen is silut kenikew te Megbevayà emun kenè nu ibpenudtul is langun he migkaǥi zin kenikew.”