1 Samuel 25:19 - Manobo Western Bukidnon OT

¹⁹ ne migkeǥiyan din is menge suluǥuen din te, “Huna kew, su edsunud e zà keniyu.” Piru wazè din tudtuli is esawa zin he si Nabal.

1 Samuel 25:19 ပူးပေါင်းရင်းမြစ်များ

Genesis 32:16

Mibahin ni Jacob is menge uyaǥen din, ne kada grupu ne zuen dutun impevantey zin. Migkeǥiyan din dutun is menge suluǥuen din te, “Huna kew kedì, ne hipanew kew he kenà utew ebpesundulà is kada grupu.”

Genesis 32:19

Iyan ded haazà migkaǥi zin dutun te ikezuwa, wey te iketelu wey te langun he menge suluǥuen he edtundan duen te menge uyaǥen.

Genesis 32:20

Ne mibpetizeenan din sikandan he kenè dan lipati he keǥiyi zan si Esau he edtundug en sikandin. Su neisip ni Jacob he, “Ebpeypeyuan ku si Esau kayi te menge igasa ku he ibpehuna ku. Su kela ke meked-ehè key ne ebpeseyluwen e zin ded.”

Genesis 32:21

Umbe impehuna zin haazà is menge igasa zin, piru sikandin mulà dutun dà mebpelintetaǥak te haazà he kezukilimi te mid-ubpaan dan.

Erubasa 31:27

Meǥied sikandin, ne edsusiyen din ebpurungi is dutun te pemilya zin.

1 Samuel 14:1

Ne sevaha he andew, migkeǥiyan ni Jonatan kes betan-en he tig-uwit te ǥumaan din te, “Hengkayi ke en, su edhendiyè ki te bentayà te menge Filistihanen su ebpeniid ki.” Piru wazè din ipetukew is amey zin te mibeelan din.

1 Samuel 25:20

Hein mid-untud en si Abigail te asnu zin he ebpehendiyà te kilid te vuntud, neehè din he igkedsinuǥung din si David wey is menge sakup din is ebpehendiyà te kandin.

1 Samuel 25:36

Hein nekeuma si Abigail ziyà te valey zan, ne midtukud te keemuran si Nabal he henduen te hadì. Utew sikandin melipayen ne utew sikandin nehubug. Ne wazà sikandin tudtuli ni Abigail taman te egkepawà.