1 Samuel 25:13 - Manobo Western Bukidnon OT

¹³ Migkeǥiyan ni David is menge sakup din te, “Endama niw is menge ispada niw!” Ne zutun nengandam dan ne migkuwa zan is ispada zan, ne iyan daan haazà mibeelan ni David. Menge 400 he etew is miduma ki David. Ne 200 is mibpelintetaǥak su ebantey te menge gamit dan.

1 Samuel 25:13 ပူးပေါင်းရင်းမြစ်များ

2 Samuel 15:18

Ne impehuna ni David is langun he menge sakup din, wey is langun he ebantey kandin he menge Kiritnen wey menge Pilitnen. Ne edsunud daan is 600 he Gitanhen he miduma kandin he ebpuun diyà te Gat.

Erubasa 14:29

Is etew he uluwanen, ne mepelevayen sikandin, ne egketuusan ta is tulebung su melemu sikandin egkepauk.

Erubasa 16:32

Deyzey pa is etew he mepelevayen, kenà is etew he veǥani; deyzey pa is etew he ed-eǥenen din is pauk din, kenà is ebihag te sengeingezan.

Erubasa 19:11

Tenged te ketau te etew, egkehimu sikandin he mepelevayen. Ne igkelipey zin is kebpesaylu zin te nekesalà diyà te kandin.

Erubasa 19:2

Kenà meupiya emun tekew ki en egkeleglegetayi te wazè ta metueni is ked-ul-ula zuen wey is egkehimu he rimeǥas din. Kenà meupiya is kedegdeǥusu su kela ke mesayep ki.

Erubasa 20:22

Kenè ka vales. Sarig ke zà te, Nengazen, ne edtevangan ke zin.

Erubasa 25:8

Emun duen egkeehè nu, kenè nu segugunà isumbung diyà te hukmanan su emun duen ebpekepenistiǥus he igkepeletew zin he nesayep ka ne zutun egkepeel-elezan ka.

Josue 9:14

Midsusi te menge Israilihanen haazà is menge lutù dan piru wazà sikandan mebpekisambag te Nengazen ke hengkey is ereg he ebeelan dan.

1 Samuel 22:2

Duen daan menge etew he miduma kandin he egkengaayuayu, wey menge utangan, wey kes menge etew he wazà mekuntintu te kebpekesavuk dan. Menge 400 he menge etew is miduma ki David, ne sikandin is nehimu he pengulu zan.

1 Samuel 23:13

Ne zutun mid-awà dutun si David te Keila wey kes 600 he menge sakup din ne midtazintazin dan diyà te zuma he lugar. Ne hein nezineg ni Saul he wazè en diyà te Keila si David, ne wazè en sikandin medhendiyà.

1 Samuel 25:12

Nen-ulì is menge sakup ni David ne midtudtul zan is migkaǥi kandan ni Nabal.

1 Samuel 27:2

Umbe, midhendiyà si David wey kes menge sakup din he 600 te ki Hadì Akish he hadì te Gat, te anak ni Maoc.