1 Samuel 24:4 - Manobo Western Bukidnon OT

⁴ Migkeǥiyan te menge sakup din si David te, “Iyan en heini penahun he migkaǥi te Nengazen he ibpalad din kenikew is kuntra nu ne iyan ke en bayàbayà ke hengkey is ed-ul-ulahan nu kandin.” Ne zutun mibpenanap si David pehendiyà te ki Saul ne wazà metukawi ni Saul is kebpitasi ni David te kilid te kumbalè ni Saul.

1 Samuel 24:4 ပူးပေါင်းရင်းမြစ်များ

2 Samuel 4:8

Hein nekeuma zan diyà te Hebron, mid-uwit dan is ulu ni Ishboshet diyà te ki David he ke sikandan te, “Heini en is ulu ni Ishboshet he anak duen te kuntada nu he si Saul he edhimatey pezem kenikew. Iyan is Nengazen mibales diyà te ki Saul ǥuntaan wey ziyà te menge kevuwazan din para kenikew.”

Job 31:31

Wazà nevitil ziyà te pemilya ku.

Salmo 142:1

Nengazen, mezesen is ked-umew ku kenikew. Ebpengemuyù a he ikehizu a kenikew.

Salmo 57:1

Kehizuwi a, Megbevayè ku, su ziyà a te kenikew med-aput, iring a te pispis te tagbis he ebpelekup te iney zin. Ed-aput a ziyà te kenikew taman te wazè en bangkit.

Exodus 21:13

Iyan, emun wazè din tivevaa is kegkepetaya zin dutun, kekenà, nevèbeelan is kegkehitevua zutun su tenged te imbanglis ku, ne egkehimu sikandin he ebpelaǥuy ziyà te lugar he idteǥana ku.

1 Samuel 22:1

Mid-awà si David diyà te Gat ne midhendiyà te surung te Adulam. Ne hein netuenan te menge suled din wey te zuma pa he sakup te pemilya zin, ne midhendiyè dan te kandin su edtampu zan kandin.

1 Samuel 23:17

Migkaǥi si Jonatan te, “Kenè ka mahandek su is amey ku ne kenà ebpekekaid kenikew. Su netuenan en te amey ku he egkehimu ka he hadì te Israel, ne ikezuwè e zà kenikew.”

1 Samuel 23:7

Duen neketudtul ki Saul he ziyà si David te Keila. Umbe nekekaǥi si Saul te, “Mibpeveyveyaan sikandin kedì te Megbevayà, su henduen be te mibpirisu zin is keugelingen din te kedseled din te inged he nelingut te verengbeng.”

1 Samuel 24:10

Neehè en guntaan he andew ke mibmenumenu te Nengazen is paaǥi te kebpelaza zin kenikew kayi te kedì dutun te seled te surung. Migkeǥiyan a te menge zuma he sakup ku te himetayi nu en, piru wazè ku sikew himetayi. Migkeǥiyan ku sikandan te kenè ku egketikaan te edhimatey is egalen ku tenged te mibpilì sikandin te Nengazen he edhadì.

1 Samuel 24:18

Imbeǥey a te Nengazen diyà te kenikew, piru wazà a kenikew himetayi.

1 Samuel 26:23

Imbeǥey ka te Nengazen kedì guntaan he andew, piru wazè ku zà sikew himetayi su iyan ka mibpilì te Nengazen he hadì. Te heini he mibeelan ku, edtuvazan a te Nengazen, su iyan sikandin ebales dutun te menge metazeng wey menge metinumanen.