1 Samuel 24:2 - Manobo Western Bukidnon OT

² Umbe, mibpilì sikandin te 3,000 he etew puun te tivuuk he Israel he midhipanew para ebpen-ahà ki David wey te menge sakup din dutun te menge betuwen he ed-ubpaan te menge kambing he menge leew.

1 Samuel 24:2 ပူးပေါင်းရင်းမြစ်များ

2 Samuel 22:2

Iyan heini kanta zin: “Iyan ka, Nengazen, batu he endilungè ku; melig-en he elesè ku wey menluluwas. Iring ka te elesà he vatu, ne ed-eles a ziyà te kenikew. Iyan ka kelasag ku wey mekeǥeǥehem he menluluwas. Iyan ka eputè ku wey elesè ku. Iyan ka midluwas kedì dutun te utew mesipala he menge etew.

Job 39:1

“Netuenan nu ve ke keenu ed-anak is leew he menge kambing? Nekevantey ke ve te ked-anak te menge selazeng?

Salmo 104:18

Is leew he menge kambing diyà ebpen-ubpà te metikang he menge vuntud, ne sikan is menge badir ziyà ebpen-eles te menge vatu.

Salmo 141:6

Emun ibpenimbag en diyà te pangpang is menge edumala kandan, ebpeketuu zan he tutuu is menge lalag ku.

Salmo 37:32

Is lalung he menge etew, ed-eyanan dan is menge metazeng, su egkesuatan dan te edhimatey.

Salmo 38:12

Edtuǥesen a te menge etew he egkesuat he edhimatey kedì. Ne sikan is egkesuat he ebpaantus kedì, midhisgutan dan is paaǥi te kedezeeti zan kedì. Tivuuk he andew is kebpelanu zan te kedluib kedì.

1 Samuel 13:2

Ne mibpilì si Saul te 3,000 he menge maama te Israel he para ebpekidtebek te menge Filistihanen. Ne is duma he wazà mepilì ne impemeulì din. Ne miduma zin dutun is 2,000 ziyà te Micmash wey ziyà te vuntud te Betel, ne is 1,000 ne impezuma zin te anak din he si Jonatan diyà te Gibea he sakup te Benjamin.

1 Samuel 23:28

Ne zutun neengkezan ni Saul te edlayas si David ne midlikù te kebpekidtebek te menge Filistihanen. Ne tenged te zutun he lugar mebpesuwayà si David wey si Saul, ne haazà he lugar iyan ngazan din is, “Batu he Midsuweyaan.”

1 Samuel 26:2

Ne midhendiyà si Saul te sibsivayan te Zif su ebpen-ahaan din si David. Miduma zin is 3,000 he menge sakup din he mibpilì din diyà te Israel.