1 Samuel 24:15 - Manobo Western Bukidnon OT

¹⁵ Iyan is Nengazen edhukum kenita wey edtimbangtimbang ke hentei is selaan kenita te zezuwa. Deyzey ke seǥipaa e zin, ne levani e zin wey luwasa e zin diyà te kenikew.”

1 Samuel 24:15 ပူးပေါင်းရင်းမြစ်များ

2 Cronica 24:22

Midlipatan ni Hadì Joash is kebpurungi kandin ni Jehoyada, he amey ni Zacarias, kekenà, mibpehimetayan din si Zacarias. Ne hein egkevidtawan en sikandin, ne ke sikandin te, “Berakat he seǥipaa te Nengazen is ebeelan niw, ne iyan sikandin mebales keniyu.”

Salmo 119:154

Levani a kuntra te menge etew he mibutangbutang kedì wey libriya a; pekeluǥeyaza nu pa is untung ku sumalà te insaad nu.

Salmo 35:1

Kuntedaha nu, Nengazen, is menge etew he mibpekigkuntada kedì. Pekidtebek ka te menge etew he mibpekidtebek kedì.

Salmo 43:1

He Megbevayà, ipeehè nu he wazè ku salà, ne levani a su wey a kenà mezezeeti te menge etew he kenà edtuu te Megbevayà. Libriya a te kedezeeti kedì te limbungan wey lalung he menge etew.

Micas 1:2

“Purung kew pemineg, is langun he menge etew kayi te kelibutan! Su edtistiǥus kuntra keniyu is Nengazen he MEGBEVAYÀ puun te segradu he valey zin.”

Micas 7:9

Geina te nekesalè kiw ziyà te Nengazen, dait he ed-entusen tew is silut din kenitew taman te edlevanan kiw zin wey ebeǥayan te hustu he kukuman. Egkeehè tew is kedlibriya zin kenitew pinaaǥi te ked-uwit din te kerayag kayi te kenitew.

Zatù 11:27

Wazà mezaat he mibeelan dey ziyà te keniyu, piru sikiyu mezaat is ed-ul-ulahan niw kenami su egkesuat kew he ebpekidtebek kenami. Iyan is Nengazen edhukum kenitew ke hentei is ebpekevenar kenitew.”

1 Samuel 17:43

Migkeǥiyan din si David te, “Asu e ve he mid-uwitan nu te lagkut?” Ne midrewakan din si David pinaaǥi te ngazan te ed-ezapen din.

1 Samuel 24:12

Berakat he iyan is Nengazen edhukum kenita te zezuwa, ne berakat he iyan sikandin is ebales te mezaat he ebeelan nu kedì. Piru kenè ku mulà sikew egketikaan.

1 Samuel 25:39

Hein nezineg ni David he minatey en si Nabal, migkaǥi sikandin te, “Edeliǥen is Nengazen! Su iyan sikandin mibales ki Nabal te ked insultuwa zin kedì, wey inlikey e zin te kebales. Midsilutan din si Nabal te kenà meupiya he mibeelan din kedì.” Ne midsuǥù si David te menge etew he ibpelalag ki Abigail he ed-esewaan din.

1 Samuel 26:20

Kenè nu ituǥut he ziyà a ebpatey te zuma he tanà, he meziyù te Nengazen. Sikew is hadì te Israel, maan is ebpen-ahaan a kenikew he iring e zè man pezem te tilema? Maan is edel-asen a kenikew he iring te tagbis diyà te vuntud?”

1 Samuel 26:4

midsuǥù sikandin te menge tigpeniid, umbe netuenan din he nekeume en si Saul zutun.