1 Samuel 24:14 - Manobo Western Bukidnon OT

¹⁴ Iyan ka hadì te Israel ne ebpen-ahaan a kenikew. Maan, hentei e ves? Iring e zè man te minatey he asu wey tilema.

1 Samuel 24:14 ပူးပေါင်းရင်းမြစ်များ

2 Samuel 16:9

Migkaǥi ziyà te hadì si Abishai he anak ni Zeruya te, “Mahal he Hadì, maan is ebey-anan nu is kebpenulaa kenikew keniyan he etew he henduen dà daan te minatey he asu? Tuǥuti a kenikew he ebpungelan ku sikandin te ulu.”

2 Samuel 3:8

Utew nepauk si Abner zutun te migkaǥi kandin ni Ishboshet, ne midtavak sikandin te, “Kunaan nu vuwa ke edluivan ku en is amey nu, ne ziyà a edapig te Juda? Puun pa zengan mid-unungan ku is amey nu wey is pemilya zin wey menge emiǥu zin, ne wazè ku iveǥey ki David. Guntaan edhelezan a kenikew he nekesalà a keniyan te vahi!

2 Samuel 6:20

Ne mid-ulì daan si David su ebpenubtuvazan din is tivuuk he pemilya zin, ne midtelavuk sikandin ni Mical he anak ni Saul, ne migkeǥiyan din te, “Henduen te hentei he telehuzen is hadì te Israel guntaan he andew! Midsayew sikandin he samè dà kenà medlelevas dutun te etuvangan te menge suluǥuen he menge vahi te menge upisyal zin. Baal zà heeyan te wazè din keelezan.”

2 Samuel 9:8

Midluhud si Mefiboshet ne migkaǥi te, “Hentei e ves is utew nu igkeǥaǥew? Iring e zè man te minatey he asu.”

1 Hadì 21:7

Migkaǥi si Jezebel te, “Kenè be hadì ka te Israel? Enew ka wey megkaan! Lipey ka su ibeǥey ku kenikew is pemuleey te paras ni Nabot he tig-Jezreel.”

Hoseas 10:13

“Piru nemula kew te kelelalung, umbe ebpekeraǥun kew zaan te kelelalung. Midtarùtarù kew, ne beǥas heeyan te kelelalung niw. Ne ǥeina te midsarig kew te kebpekegaga niw, iring te kahabet te menge sundaru niw,

1 Samuel 17:43

Migkeǥiyan din si David te, “Asu e ve he mid-uwitan nu te lagkut?” Ne midrewakan din si David pinaaǥi te ngazan te ed-ezapen din.

1 Samuel 26:20

Kenè nu ituǥut he ziyà a ebpatey te zuma he tanà, he meziyù te Nengazen. Sikew is hadì te Israel, maan is ebpen-ahaan a kenikew he iring e zè man pezem te tilema? Maan is edel-asen a kenikew he iring te tagbis diyà te vuntud?”