1 Samuel 24:11 - Manobo Western Bukidnon OT

¹¹ Amà, ahaa nu is kilid te kumbalè nu he egewezan ku. Mibpitas ku piru wazè ku sikew himetayi. Ebpesavut heini he wazè ku tuyù te kedezaat kenikew wey kebpekidsukulà kenikew. Wazè a mekesalà kenikew piru edtinguhaan nu is kedhimatey kedì.

1 Samuel 24:11 ပူးပေါင်းရင်းမြစ်များ

2 Samuel 1:14

Mid-insaan ni David te, “Maan is wazè ka mahandek he edhimatey te hadì he pinilì te Nengazen?”

2 Hadì 5:13

Piru mid-uvey ziyà te kandin is menge suluǥuen din he ke sikandan te, “Datù, emun mereǥen he ebeelan is idsuǥù kenikew te ebpeneuven, kenè be ebeelan nu? Ne melemu zà he ebeelan is insuǥù din he kebpenlùlù para meulii ka.”

Job 10:16

Ebpenigudu a he mekeenew a, piru iring ka te erimaung is ebpeniid kedì su wey a kenikew mezezeeti. Ibpeehè nu is gehem nu te kedezaat kedì.

Salmo 119:161

Mibpesipelahan a te ebpemendumala minsan wazà hustu he hinungdan, piru ebpuun te ǥehinawa ku is kedtehuza ku te lalag nu.

Salmo 140:11

Berakat ke kenè en mebpedayun kayi te tanà is menge etew he menge tigbutangbutang te zuma. Berakat daan he meumahi te vangkit is menge mesipala he iyan ebpekezezaat kandan.

Salmo 35:7

Su minsan wazà hustu he hinungdan, mibaal zan te litag he idlitag dan kedì, wey mibangbang dan su para meulug a zutun.

Salmo 59:3

Nengazen, ahaa nu man, mid-eyanan e zan, su edhimetayan e zan minsan pa te wazà a mekesalà diyà te kandan.

Salmo 7:5

ne vey-ani ad kenikew pinaaǥi te kedtuǥut nu he mezaag a te menge kuntada ku ke edsurungen e zan. Bey-ani ad ke edtekutakan e zan taman te kebpatey ku, ne ed-ewaan e zan is minatey en.

Erubasa 15:1

Is menayù he kedtavak, ebpekepevehew te pauk, iyan, is hangger he kedtavak, ebpekepeiseg te pauk.

Penhulùhulù 4:18

Mibentayan te menge kuntada zey is menge langkad dey. Kenè key ebpekehipanew ziyà te menge zalan. Hapit en egkeuma is ketepusan dey. Egkevilang dà is menge andew zey.

Ezekiel 13:18

Keǥiyi nu sikandan te iyan a is Nengazen he MEGBEVAYÀ migkaǥi te: Mekehizuhizu kew is menge vahi he mid-akal te menge etew ku, batà etawa meǥurang, pinaaǥi te menge hinepetan niw, he ibevekelew niw wey ibpikit niw ziyà te menge lembung niw. Egkesuat kew he meveyveyai niw is menge etew ku su wey niw sikandan mepenepii.

Micas 7:2

Is ibpesavut ku iyan is, wazè en neehè ku he etew kayi te Israel he mepezumdumahan te Megbevayà. Wazè en nesamà he metazeng he etew. Is kada sevaha, edtaǥad te meupiya he timpu te kegkehimetayi zin te zuma zin he meǥinged, iring te etew he edtaǥad te kegkeutela zin te langgam he edhingutelen din.

1 Samuel 12:3

Kayi a ǥuntaan te etuvangan niw, emun duen ingkesilag niw kedì, ne keǥiya niw kedì guntaan kayi te etuvangan te Nengazen wey te hadì he mibpilì din. Duen ku ve mibpeǥespeǥes keniyu te kegkuwaa ku te vaka wey ke asnu ziyà te minsan hentei keniyu? Duen ku ve midlimbungan keniyu etawa midlupiglupiǥ? Wazè ku ve ikula is hustu he kukuman su mibpesuhul a? Emun duen ebpekepenistiǥus he zuen ku neveelan kayi ziyà te minsan hentei keniyu, ne ebeyazan ku heeyan.”

1 Samuel 18:27

nenurung si David wey is menge sakup din te menge Filistihanen ne nekepatey zan te 200 he menge Filistihanen. Impekuwa zin is menge lundis te purù te sudiyà te menge Filistihanen ne mid-uwit dan diyà te hadì, su wey mehimu he mekaamung sikandin te hadì. Umbe impeesawa ni Saul si Mical ki David.

1 Samuel 23:14

Mid-eles si David diyà te menge vuvungan diyà te sibsivayan te Zif. Andew-andew is kebpen-ahaa kandin ni Saul, piru wazà iveǥey sikandin te Megbevayà ki Saul.

1 Samuel 23:23

Peniizi niw is langun he lugar he ed-elesan din, ne likù kew kayi te kedì emun siguradu en. Ne eduma a keniyu; ne emun diyè pa te zuma he elesà ne ebpen-ahaan ku minsan meeneb ku pa is tivuuk he tanà te Juda.”

1 Samuel 25:28

Peseyluwa a kenikew te menge kegkurang ku. Siguradu he edhimuwen ka te Nengazen he hadì wey is menge kevuwazan nu, su mibpekidtebek ka tenged kandin. Deyzey ke kenè ka ebaal te mezaat te kemulu ke pa uuyag.

1 Samuel 26:18

Maan is edel-asen nu is suluǥuen nu? Hengkey ves is mezaat he neveelan ku?

1 Samuel 26:20

Kenè nu ituǥut he ziyà a ebpatey te zuma he tanà, he meziyù te Nengazen. Sikew is hadì te Israel, maan is ebpen-ahaan a kenikew he iring e zè man pezem te tilema? Maan is edel-asen a kenikew he iring te tagbis diyà te vuntud?”

1 Samuel 26:23

Imbeǥey ka te Nengazen kedì guntaan he andew, piru wazè ku zà sikew himetayi su iyan ka mibpilì te Nengazen he hadì. Te heini he mibeelan ku, edtuvazan a te Nengazen, su iyan sikandin ebales dutun te menge metazeng wey menge metinumanen.