1 Samuel 24:10 - Manobo Western Bukidnon OT

¹⁰ Neehè en guntaan he andew ke mibmenumenu te Nengazen is paaǥi te kebpelaza zin kenikew kayi te kedì dutun te seled te surung. Migkeǥiyan a te menge zuma he sakup ku te himetayi nu en, piru wazè ku sikew himetayi. Migkeǥiyan ku sikandan te kenè ku egketikaan te edhimatey is egalen ku tenged te mibpilì sikandin te Nengazen he edhadì.

1 Samuel 24:10 ပူးပေါင်းရင်းမြစ်များ

Salmo 105:15

“Kenè niw kevuta is pinilì ku he menge suluǥuen; kenè niw pesipelahi is menge ebpeneuven ku.”

Salmo 125:3

Kenè din idtugut he ebpedayun is kedumala te menge lalung diyà te tanà te menge metazeng, su kela ke mekevaal zaan te mezaat is menge metazeng.

Salmo 7:3

Nengazen he Megbevayè ku, emun nekevaal a te mezaat diyà te iring ku he etew,

Salmo 7:4

emun mibelesan ku te mezaat is meupiya he mibeelan kedì te emiǥu ku, emun mid-eǥawan ku te menge azen is kuntada ku te wazà hustu he hinungdan,

Exodus 21:13

Iyan, emun wazè din tivevaa is kegkepetaya zin dutun, kekenà, nevèbeelan is kegkehitevua zutun su tenged te imbanglis ku, ne egkehimu sikandin he ebpelaǥuy ziyà te lugar he idteǥana ku.

Ezekiel 22:9

Duen menge etew ziyan te kenikew he mid-uluǥan dan te kewusa is duma su wey ikepehimetayi. Diyà te menge simbahan diyà te menge vuvungan duen daan duma he migkaan te menge pemuhat he impemuhat diyà te zuma he menge ed-ezapen wey zutun utew mahawag is menge vaal zan.

Leviticus 19:16

Kenè kew ituk te zuma niw he etew. Kenè kew vaal te minsan hengkey he ebpekezezaat te untung din. Iyan a kes Nengazen.

1 Samuel 24:4

Migkeǥiyan te menge sakup din si David te, “Iyan en heini penahun he migkaǥi te Nengazen he ibpalad din kenikew is kuntra nu ne iyan ke en bayàbayà ke hengkey is ed-ul-ulahan nu kandin.” Ne zutun mibpenanap si David pehendiyà te ki Saul ne wazà metukawi ni Saul is kebpitasi ni David te kilid te kumbalè ni Saul.

1 Samuel 24:9

Migkaǥi si David diyà te ki Saul te, “Maan is ebpemineǥen nu is menge etew he edsumbung kenikew he duen ku pelanu te kedhimatey kenikew?