1 Samuel 23:9 - Manobo Western Bukidnon OT

⁹ Ne hein netuenan ni David is planu ni Saul, migkeǥiyan din si Abiatar kes lavew he memumuhat he kuwaa zin kes ipud.

1 Samuel 23:9 ပူးပေါင်းရင်းမြစ်များ

1 Hadì 2:26

Ne migkeǥiyan ni Hadì Solomon si Abiatar he memumuhat te, “Ulì ka ziyà te pemuleey nu ziyà te Anatot. Ereg ka pezem he edhimetayan, piru kenè ku sikew edhimetayan guntaan su iyan ka midseriǥan duen te Kavan te Nengazen he MEGBEVAYÀ hein duma ke pa te amey ku he si David, wey mid-ambit ka te menge kemereǥenan din.”

Jeremias 33:3

“Umawa a kenikew su edtevangan ku sikew. Ne ibpezayag ku ziyà te kenikew is egkengein-inuwan wey in-eles he wazè nu pa metueni.

Hoseas 3:4

Su ebpesavut heini he seled te meluǥayad he timpu is kebpengungubpaan te menge etew te Israel he wazè dan hadì, upisyal, pemuhat, tedeman he vatu, wazà ipud he egemiten te kebpenagnà, wey menge ed-ezapen.

Numero 27:21

Pinaaǥi ki Eleazar egketuenan din is egkesuatan ku pinaaǥi te kegamit ni Eleazar te beveraan he Urim diyà te etuvangan ku. Pinaaǥi kayi egkeǥiyahan ni Eleazar si Josue wey is langun he menge Israilihanen te ereg he ebeelan dan.”

1 Samuel 10:22

Umbe, nenginginsà is menge etew ziyà te Nengazen te, “Kayi ve sikandin?” Midtavak is Nengazen, “Uya, kayi sikandin. Mid-eles dà sikandin kayi te menge uwiten.”

1 Samuel 14:18

Migkeǥiyan ni Saul si Ahia te, “Uwita kayi kes Kavan te Kebpekid-uyun te Megbevayà.”

1 Samuel 22:20

Piru nekepelaǥuy mulà si Abiatar he anak ni Ahimelec ne miduma ki David.

1 Samuel 23:10

Ne mid-ampù si David te, “He Nengazen, Megbevayà te Israel, netuenan ku te suluǥuen nu, he duen planu ni Saul he edhengkayi te Keila su ebpenhimetayan din is meǥinged kayi tenged kedì.

1 Samuel 23:6

(Hein mibpelaǥuy si Abiatar he ziyà mebpevayà te ki David diyà te Keila, mid-uwit din is ipud te memumuhat.)

1 Samuel 23:8

Midtiǥum ni Saul is langun he menge sundaru zin su edhendiyè dan te Keila su edliǥuyan dan si David wey is menge sakup din.

1 Samuel 30:7

Ne zutun migkeǥiyan ni David si Abiatar he memumuhat he anak ni Ahimelec te, “Uwita nu kayi kes ipud.” Ne zutun mid-uwit ni Abiatar ziyà te ki David.