1 Samuel 23:25 - Manobo Western Bukidnon OT

²⁵ Hein nekeuma si Saul wey is menge sakup din diyà te Zip, ne mibpen-ehè dan si David. Hein netuenan heini ni David, ne mid-eles sikandin dutun te zekelà he vatu ziyà te sibsivayan te Maon, ne ziyà sikandin med-ubpàubpà. Hein netuenan ni Saul, mibpen-ehè din diyà te sibsivayan te Maon.

1 Samuel 23:25 ပူးပေါင်းရင်းမြစ်များ

2 Samuel 22:2

Iyan heini kanta zin: “Iyan ka, Nengazen, batu he endilungè ku; melig-en he elesè ku wey menluluwas. Iring ka te elesà he vatu, ne ed-eles a ziyà te kenikew. Iyan ka kelasag ku wey mekeǥeǥehem he menluluwas. Iyan ka eputè ku wey elesè ku. Iyan ka midluwas kedì dutun te utew mesipala he menge etew.

Zatù 15:8

Midsurung din sikandan ne utew mahabet is nepatey zin. Ne liwas dutun mibpelaǥuy sikandin ne mid-eles diyà te surung diyà te pangpang he ziyà te Etam.

1 Samuel 23:24

Ne zutun migenat dan medhuna ki Saul pehendiyà te Zip. Haazà he penahun ne ziyà si David wey is menge sakup din te sibsivayan te Maon diyà te Araba, he zapit te egkezivavà te Jeshimon.

1 Samuel 23:26

Si Saul wey is menge sakup din ne ziyè dan te zivaluy te vuntud, ne si David wey is menge sakup din ne ziyè dan daan te zivaluy zutun te vuntud ne migaanggaan dan mebpelaǥuy su edlikayan dan si Saul. Ne hein meǥaan en egkeseuti ni Saul wey te menge sakup din si David wey is menge sakup din, ne

1 Samuel 23:28

Ne zutun neengkezan ni Saul te edlayas si David ne midlikù te kebpekidtebek te menge Filistihanen. Ne tenged te zutun he lugar mebpesuwayà si David wey si Saul, ne haazà he lugar iyan ngazan din is, “Batu he Midsuweyaan.”