1 Samuel 23:21 - Manobo Western Bukidnon OT

²¹ Midtavak si Saul te, “Tuvazi kew te Nengazen te kegkeseeng niw kedì.

1 Samuel 23:21 ပူးပေါင်းရင်းမြစ်များ

Genesis 20:13

Hein migkeǥiyan a te Nengazen he med-awà a ziyà te inged te amey ku, migkeǥiyan ku si Sara he ipekilala zin he telesuled key minsan hendei key mekepevayà. Pinaaǥi kayi igkepeehè din is dekelà he gaǥew zin kedì.”

2 Samuel 2:5

midsuǥù sikandin diyà te ibpepenudtul ziyà te kandan he egkaǥi te, “Berakat he tuvazi kew te Nengazen te impeehè niw he zekelà is kedmahal niw ki Saul te egalen niw pinaaǥi te kedlevenga niw kandin.

Salmo 10:3

Ibpahambug dan is menge mezaat he tinguhè dan. Is menge etew he azen is dekelà diyà te ǥehinawa zan, ebpenrawak wey ed-undaunda kenikew, Nengazen.

Isaias 66:5

Sikiyu is egkahandek he edsupak te lalag te Nengazen, pemineǥa niw is lalag din: “Tenged te kegkemepezumdumahan niw kediey, is duma he menge emurè niw te inged edumut wey edselikwey keniyu. Ed-un-undahan kew zan, ke sikandan te, ‘Mebpaahà is Nengazen te gehem din su wey zey maahà is kelipey niw!’ ” Piru egkepeel-elezan sikandan.

Micas 3:11

Emun edhukum kew ebpeburan niw is ebeǥey te sipsip diyà te keniyu. Ne sikiyu is menge memumuhat, ebpenurù kew su ǥeina te ebeyazan kew. Ne sikiyu zaan is menge ebpeneuven, ebpenagnè kew tenged dà te selapì. Edsarig kew pa he edtevangan kew te Nengazen, su egkaǥi kew te, ‘Zuma zey is Nengazen. Umbe wazà mezaat he egkehitavù kenami.’

Zatù 17:2

Sevaha he andew zutun, migkaǥi si Micas diyà te iney zin te, “Hein netazin is 1,100 he menge pelata nu, nezineg ku he midrewakan nu is migkuwa. Heini zed kes pelata. Iyan a midkuwa.” Migkaǥi is iney zin te, “Mama, berakat he tuvazi ka te Nengazen. Ne kenà med-uteng diyà te kenikew sikan is rawak.” In-ulì ni Micas haazà is 1,100 he menge pelata ziyà te iney zin. Migkaǥi is iney zin te, “Idhalad ku heini ziyà te Nengazen para te keupiyaanan nu te anak ku. Egemiten ku heini he apid te ledawan he kayu he ebpeveelan ku. Uya, idhalad ku heini su wey ka melibri te rawak.”

1 Samuel 15:13

Mibeyaan ni Samuel si Saul. Ne hein neked-ehè dan, migkeǥiyan ni Saul te, “Deyzey ke tuvazi ka te Nengazen! Su midtuman ku is menge suǥù din.”

1 Samuel 22:8

Tenged be keniyan mibpelanu kew te mezaat kayi te kedì is langun? Wazà midtazem kedì he is anak ku ne zuen upakat dan ki David. Wazè niw hizu kedì. Su wazà minsan sevaha he midtazem kedì he is anak ku mibaghet din is suluǥuen ku he si David te kidhimatey kedì he iyan tinguhè din guntaan.”

1 Samuel 23:22

Uya, ulì kew en ne keǥiyi e zà keniyu ke hendei sikandin wey hentei layun is ebpekaahà kandin dutun, su zuen neketudtul kedì he utew sikandin metau.