1 Samuel 23:20 - Manobo Western Bukidnon OT

²⁰ Umbe, Mahal he Hadì, hendiyè ka ke hengkey is egkesuatan nu ne iyan key en metau te kebpelaza zey kandin kenikew.”

1 Samuel 23:20 ပူးပေါင်းရင်းမြစ်များ

2 Samuel 3:21

Migkeǥiyan ni Abner si David te, “Mahal he Hadì, pemineǥa a kenikew su edhipanew a ǥuntaan su egkeǥiyan ku is langun he etew te Israel he med-uyun dan he iyan ka hadì dan. Ibpevaal ku sikandan te kesebutan he edewaten ke zan he hadì dan. Ne pudu nu en egkehedii is egkesuatan nu he edhedian.” Umbe impeǥenat ni David si Abner he wazè din menuwa.

Salmo 112:10

Egkaahà heini te menge lalung ne egkekeǥetket is menge ngipen dan te kegkepauk dan, ne henduen be sikandan te egkereney tenged te kegkeeled dan. Kenà edlampus is menge pelanu zan.

Salmo 54:3

su zuen menge lumelengyawà he midsurung kedì su edhimetayan e zan. Menge mesipala sikandan ne wazè dan mekekilala kenikew.

Erubasa 11:23

Meupiya is rimeǥas te tinguhà te etew he metazeng, piru igkepauk mulà is tinguhà te lalung.

Erubasa 24:15

Kenè nu iringi is lalung he etew, he ebpeniid su ebpenulis diyà te valey te etew he metazeng.

Erubasa 29:26

Mahabet is edsarig te hukum te pengulu, iyan, Nengazen dà is ebpekeveǥey te hustu he kukuman.

Deuteronomio 18:6

“Is minsan hentei he Levihanen he meǥinged diyà te minsan hendei he inged he sakup te Israel egkehimu ke edhendiyà te lugar he ebpilien te Nengazen,

1 Samuel 23:12

Mid-uman med-insà si David te, “Ibeǥey ed be vuwa wey is menge sakup ku te meǥinged te Keila ki Saul?” Midtavak is Nengazen te, “Uya, ibeǥey kew zan.”

1 Samuel 23:21

Midtavak si Saul te, “Tuvazi kew te Nengazen te kegkeseeng niw kedì.