1 Samuel 23:10 - Manobo Western Bukidnon OT

¹⁰ Ne mid-ampù si David te, “He Nengazen, Megbevayà te Israel, netuenan ku te suluǥuen nu, he duen planu ni Saul he edhengkayi te Keila su ebpenhimetayan din is meǥinged kayi tenged kedì.

1 Samuel 23:10 ပူးပေါင်းရင်းမြစ်များ

Genesis 18:24

Penenglitan ke zuen 50 he menge metazeng he etew ziyà te inged, tutuu ve he edlimasen nu? Ne kenè nu egkehizuwan haazà is menge meǥinged minsan pa te zuen 50 he menge metazeng dutun?

Ester 3:6

Hein netuenan din pa he sevaha he Judio si Mordecai, mibpelenuwan din he kenè dà si Mordecai is ebpehimetayan din, kekenà, ragkes daan is langun he menge Judio zutun te tivuuk he ginhedian ni Hadì Ahasuerus.

Erubasa 28:15

Iring te edhiniǥer he erimaung wey ebpemendurus he bir is lalung he etew he edumala te menge pubri.

1 Samuel 22:19

Mibpenhimetayan daan ni Saul is langun he mid-ubpà diyà te Nob, kes inged te menge memumuhat: menge maama, menge vahi, menge vatà, wey is kemulu pa edsusu, apil is menge vaka, asnu, wey menge kerehidu.

1 Samuel 23:11

Edhengkayi ve vuwa si Saul sumalà te nezineg ku? Ibeǥey ed be vuwa te tig-Keila ki Saul? He Nengazen, Megbevayà te Israel, tug-ani a is suluǥuen nu.” Midtavak is Nengazen te, “Uya, edhendiyan si Saul.”

1 Samuel 23:8

Midtiǥum ni Saul is langun he menge sundaru zin su edhendiyè dan te Keila su edliǥuyan dan si David wey is menge sakup din.

1 Samuel 23:9

Ne hein netuenan ni David is planu ni Saul, migkeǥiyan din si Abiatar kes lavew he memumuhat he kuwaa zin kes ipud.