1 Samuel 22:7 - Manobo Western Bukidnon OT

⁷ Migkeǥiyan ni Saul sikandan te, “Pemineg kew is menge tig-Benjamin! Kenè be mibpenengduan kew ni David he ebeǥayan kew zin langun te vevesukà wey menge pemuleey niw te paras? Mibpenengduan kew zin pa te edhimuwen kew zin pudu he menge peremandar te menge sundaru?

1 Samuel 22:7 ပူးပေါင်းရင်းမြစ်များ

2 Samuel 18:1

Midtiǥum ni David is menge sakup din te tig-1,000 wey tig-100, ne mibpilì sikandin te peremandar he iyan ed-uwit kayi.

2 Samuel 20:1

Duen sevaha he etew he tig-Benjamin he layun dà ebpen-ahà te samuk. Iyan ngazan din si Sheba, he anak ni Bicri. Impezaǥing din is budyung ne ebpengulahì te, “Menge tig-Israel, wazè tew lavet ki David he anak ni Jesse! Ebpen-ulì kiw is langun!”

1 Hadì 12:16

Hein neisip-isip te menge Israilihanen he wazè dan pemineǥa te hadì, ne migkeǥiyan dan is hadì te, “Wazè dey lavet kenikew te kevuwazan ni David! Belaǥad ka keniyan te ginhedian nu! Hengkayi kew en is menge Israilihanen, su ebpemen-ulì kiw!” Ne nemen-ulì is menge Israilihanen.

1 Cronica 12:16

Duen daan menge etew he ebpuun te tribu ni Benjamin wey ki Juda he midhendiyà te ki David diyà te melig-en he elesà.

Isaias 11:1

Is menge kevuwazan ni David he menge hadì dengan, iring sikandan te mibpiley he kayu. Ne ǥeina te neneringsing en guntaan is tued kayi, duen gihapun kevuwazan daan ni David he egeraran te Subpang. Egkehimu sikandin he veǥu he hadì tew.

Isaias 11:10

Egkeuma is andew he is beǥu he hadì he kevuwazan ni David, egkeiring te bendirà he iyan tuus te menge etew ziyà te menge nasyun he kinahanglan edtiǥum dan. Edtiǥum dan diyà te kandin. Ne egkevantug is ubpeey zin.

1 Samuel 18:14

Midmezeeǥen si David te langun he menge vaal zin tenged te midumahan sikandin te Nengazen.

1 Samuel 20:27

Hein sunud he andew, ikezuwa he andew te bulan, wazà gihapun ebpinuu zutun te pinuuwà ni David. Ne mid-insaan ni Saul si Jonatan te, “Maan is wazà mekehendini si David he anak ni Jesse te kegkaan gevii taman guntaan?”

1 Samuel 20:30

Utew nepeuki ni Saul si Jonatan. Ke sikandin te, “Tulebung ka iyan he vatà! Netuenan ku he edlevanan nu si David. Ebpeel-elezan nu is keugelingen nu wey is iney nu.

1 Samuel 22:13

Migkeǥiyan ni Saul sikandin te, “Maan is duen planu niw ki David he mezaat he ebpekesuǥat kedì? Impekaan nu pa wey mibeǥayan nu te ispada, ne mid-insaan nu pa is Megbevayà para kandin. Guntaan egkuntedahan e zin duen din pa ganì planu te kedhimatey kedì.”

1 Samuel 22:9

Sevaha te ebpemenhitindeg dutun duma te menge upisyal ni Saul iyan si Doeg he Edomanhen. Migkaǥi sikandin diyà te ki Saul te, “Hein diyà a te Nob, neehè ku si David is midhendiyà te ki Ahimelec he anak ni Ahitub.

1 Samuel 25:10

Wazà itetepian ni Nabal si David. Migkeǥiyan din dà is menge sakup ni David te, “Hentei heini si David he anak ni Jesse? Guntaan he menge andew mezakel is menge suluǥuen he ebpen-awà diyà te egalen dan.