1 Samuel 22:6 - Manobo Western Bukidnon OT

⁶ Haazà he andew nezineg ni Saul he zuen nekaahà ki David wey menge sakup din. Dutun ebpimpinuu si Saul te sihung te kayu he tamariska, diyà te vuntud te Gibea. Egewazan din is bangkew zin, ne midlingutan sikandin te langun he menge upisyal zin.

1 Samuel 22:6 ပူးပေါင်းရင်းမြစ်များ

Genesis 21:33

Mibpemula si Abraham te sengepuun he kayu he tamarisko ziyà te Beersheba ne mid-azap din dutun is Nengazen, he iyan kes wazà pidtemanan he Megbevayà.

Zatù 4:5

Emun ebpehusey is menge Israilihanen te samuk dan diyà te ki Debora, edhendiyè dan te sihung te Palma ni Debora, ziyà te pid-elangan te Rama wey Betel he ziyà te vuvungan te Efraim.

1 Samuel 14:2

Ne te haazà he andew diyà si Saul te sihung te kayu he pumigranata ziyà te Migron, te dulunà te Gibea. Duma is 600 he menge sakup din.

1 Samuel 18:10

Sunud dutun he andew, midselezan si Saul te mezaat he mulin-ulin he midsuǥù te Megbevayà, ne ebmutegmuteg sikandin dutun te seled te valey zin. Ne migkuwa ni David is alpa ne intukar zin para ki Saul iring te layun din en ebeeli. Neisip ni Saul zutun te egawed te vangkew is, “Ebengkawen ku si David para mekezeket sikandin kayi te elavat.” Ne zutun mibangkew zin si David te kezezuwa, ne nekelikey si David.

1 Samuel 19:9

Sevaha zutun he andew, nekeume en maan diyà te ki Saul is mezaat he mulin-ulin he midsuǥù te Nengazen hein ebpimpinuu sikandin diyà te valey zin is egawed te vangkew. Ne zutun te edtukar si David te alpa,

1 Samuel 20:33

Piru mibangkew sikandin te amey zin su edhimetayan din. Ne zutun din metueni he disididu is amey zin te kedhimatey ki David.

1 Samuel 31:13

Ne migkuwa zan is menge tulan ne inleveng dan diyà te dizalem te kayu he tamarisko ziyà te Jabesh, ne mibpuasa zan seled te pitu he andew.