1 Samuel 22:3 - Manobo Western Bukidnon OT

³ Puun dutun ne midhendiyà si David te Mizpa he sakup te Moab ne migkeǥiyan din is hadì te Moab te, “Edtuǥutan nu vuwa is menge ginikanan ku he ebpekeubpè dan pa kayi teǥaad te egketuenan ku ke hengkey is ebeelan te Megbevayà para kedì?”

1 Samuel 22:3 ပူးပေါင်းရင်းမြစ်များ

Genesis 47:11

Ne mibeǥayan ni Jose is amey zin wey is menge suled din te utew memeupiya he tanà diyà te Ehipto ziyà te tanà he Rameses sumalà is insuǥù kandin dutun te hadì.

2 Samuel 8:2

Nezaag daan ni David is menge Moabitanhen. Impehizeǥè din sikandan diyà te tanà he impelinya ne midsukud din te pisì. Ne is neseled te kada zezuwa he sukud te pisì ne mibpenhimetayan, ne is nengesakup te iketelu he sukud te pisì ne wazà penhimetayi. Is duma he menge Moabitanhen he wazà himetayi, ne midsakup ni David ne impevayad din sikandan te vuhis diyà te kandin.

Exodus 20:12

“Tehuza niw is amey niw wey iney niw, su para luǥeyazi kew te untung ne egkeuǥet is ked-ubpè niw zutun te tanà he ibeǥey ku keniyu.

Zatù 11:29

Dutun he timpu mid-ulinan si Jefta te Mulin-ulin te Nengazen. Mid-eneb din beyai is tivuuk he Gilead wey is Manase, pehendiyà te Mizpa diyà te Gilead. Ne puun te Mizpa midsurung din is menge Amunihanen.

Ruth 4:10

Ed-esewaan ku en daan si Ruth, is tig-Moab, sikan is esawa ni Mahlon. Pinaaǥi kayi kemulu pa egkaǥaked te pemilya te minatey haazà is tanà. Ne pinaaǥi kayi zaan duen pa menge kevuwazan din he zuma te menge kezuzumahi zin wey zini te inged din. Ebpekepenistiǥus kew en kayi ǥuntaan.”

Ruth 4:17

Ne is menge vahi he siringan dan dutun, migngezanan dan is batà ki Obed. Ne ke sikandan diyà te langun te, “Duen en anak he maama ni Naomi.” Si Obed, ne amey ni Jesse. Ne si Jesse, ne amey ni David.

1 Samuel 14:47

Hein kedhadì ni Saul te Israel, mibpekidtebek sikandin te nekelingut kandin he menge kuntada zin. Iyan heini menge kuntada zin: is menge tig-Moab, menge tig-Ammon, menge tig-Edom, is menge hadì diyà te Zoba, wey is menge tig-Filistia. Is minsan hentei he kuntada zin ne egkezaag din.

1 Samuel 22:2

Duen daan menge etew he miduma kandin he egkengaayuayu, wey menge utangan, wey kes menge etew he wazà mekuntintu te kebpekesavuk dan. Menge 400 he menge etew is miduma ki David, ne sikandin is nehimu he pengulu zan.

1 Samuel 22:4

Mibpemineg kes hadì, ne intaǥak ni David is menge ginikanan din dutun te hadì te Moab ne ziyà mulà sikandin te melig-en he elesà.

1 Samuel 3:18

Ne zutun midtudtul ni Samuel is langun. Wazè din in-eles. Ke si Eli te, “Iyan sikandin kes Nengazen; is egkeisip din he meupiya, iyan ebeelan din.”