1 Samuel 22:17 - Manobo Western Bukidnon OT

¹⁷ Dutun midsuǥù ni Saul is menge vantey zin dutun te zurug din te, “Penhimetayi niw is menge memumuhat te Nengazen su ziyè dan edapig te ki David. Netuenan dan he mibpelaǥuy si David ne wazè dan tudtula kedì.” Piru wazà mebpezumazuma kes menge upisyal te hadì he edhimetayan is menge memumuhat te Nengazen.

1 Samuel 22:17 ပူးပေါင်းရင်းမြစ်များ

2 Samuel 15:1

Nenlavey is menge timpu nekekuwa si Absalom te menge kerwahi wey menge kudà, wey 50 he etew he vantey zin.

1 Hadì 1:5

Dutun, si Adonia he anak ni David diyà te sevaha te menge esawa zin he si Hagit, mibpahambug he egkehimu sikandin he hadì. Umbe mid-andam din is menge kerwahi wey menge kudà wey 50 he etew he vantey zin.

1 Hadì 14:27

Umbe, mibpevaal si Hadì Rehoboam te brunsi he menge kelasag he inliwan dutun, ne insarig din heini te menge upisyal te menge vantey he ebantey te ǥemawan te turuǥan.

1 Hadì 18:4

Hein mibpepenhimetayan ni Jezebel is menge ebpeneuven te Nengazen, in-eles ni Obadias is 100 he ebpeneuven diyà te zezuwa he surung; 50 is diyà te kada surung, ne mibeǥayan din sikandan te keenen wey wahig.)

2 Hadì 10:25

Ne hein nekepasad si Jehu he ebpemuhat te menge pemuhat he edtutungen, mibmendaran din is menge vantey wey menge upisyal te, “Seled kew ne penhimetayi niw sikandan! Kenè kew pesagdan su para wazà ebpekepelaǥuy kandan!” Umbe mibpenhimetayan dan haazà is menge etew pinaaǥi te ispada ne impenimbag dan haazà is nemematey ziyà te gawas. Ne midseled dan diyà te kineselezan he vahin duen te simbahan he para ki Baal

Exodus 1:17

Ne ǥeina te egkahandek te Megbevayà haazà is menge mengunguyamu, wazè dan tumana haazà is migkaǥi kandan duen te hadì; wazè dan himetayi is menge vatà he maama he neuyemuwan dan.

1 Samuel 14:45

Piru migkaǥi is menge etew ziyà te ki Saul te, “Si Jonatan is nekeveǥey te kezeeǥan tew, ne ǥuntaan edhimetayan tew sikandin? Kenà egkehimu! Idsesapè dey ziyà te uuyag he Nengazen he kenà sikandin ebmenuwen, su is Megbevayà is midtavang te mibeelan din guntaan.” Umbe wazà himetayi si Jonatan, su midluwas sikandin te menge etew.

1 Samuel 2:31

Tentenuzi nu heini, egkeuma is andew he ebpenhimetayan ku is langun he menge betan-en he menge maama te pemilya nu wey ziyà te zuma he menge kevuwazan te kepuun niw. Ed-antus kew wey kenè niw en egkeǥezaman is keuswaǥan he ibeǥey ku te zuma he menge Israilihanen. Wazè en ebmeǥurang keniyu.

1 Samuel 20:33

Piru mibangkew sikandin te amey zin su edhimetayan din. Ne zutun din metueni he disididu is amey zin te kedhimatey ki David.

1 Samuel 22:13

Migkeǥiyan ni Saul sikandin te, “Maan is duen planu niw ki David he mezaat he ebpekesuǥat kedì? Impekaan nu pa wey mibeǥayan nu te ispada, ne mid-insaan nu pa is Megbevayà para kandin. Guntaan egkuntedahan e zin duen din pa ganì planu te kedhimatey kedì.”

1 Samuel 22:16

Piru migkaǥi is hadì te, “Edhimetayan ku sikew, Ahimelec, wey is tivuuk he pemilya nu.”

1 Samuel 25:17

Guntaan is-isipa nu ke hengkey is meupiya he ebeelan nu, su ebpekeveǥey heini te kezeetan diyà te esawa nu pehendiyè en te tivuuk he pemilya. Utew mezaat is betasan din, ne wazè din ebpemineǥen he etew.”

1 Samuel 8:11

Ke sikandin te, “Iyan heini ebeelan te hadì he ed-uwit keniyu: egkuwaan din is menge anak niw he maama ne edsunderuwen din. Is duma edhimuwen din he menge pereuntud te kerwahi, is duma ne iyan pereuntud te kudà, ne is duma ne iyan edhuna zutun te menge kerwahi.