1 Samuel 22:10 - Manobo Western Bukidnon OT

¹⁰ Mid-insaan ni Ahimelec is Nengazen ke hengkey is ebeelan ni David, ne mibeǥayan din pa te keenen si David wey zuen te ispada ni Goliat he Filistihanen.”

1 Samuel 22:10 ပူးပေါင်းရင်းမြစ်များ

Numero 27:21

Pinaaǥi ki Eleazar egketuenan din is egkesuatan ku pinaaǥi te kegamit ni Eleazar te beveraan he Urim diyà te etuvangan ku. Pinaaǥi kayi egkeǥiyahan ni Eleazar si Josue wey is langun he menge Israilihanen te ereg he ebeelan dan.”

1 Samuel 10:22

Umbe, nenginginsà is menge etew ziyà te Nengazen te, “Kayi ve sikandin?” Midtavak is Nengazen, “Uya, kayi sikandin. Mid-eles dà sikandin kayi te menge uwiten.”

1 Samuel 21:10

Ne mibpeleǥuyan ni David si Saul ne midhendiyà te ki Hadì Akish he hadì te Gat.

1 Samuel 22:11

Dutun mibpeveyaan ni Saul kes memumuhat he si Ahimelec he anak ni Ahitub, wey is tivuuk he pemilya zin he menge memumuhat diyà te Nob. Ne midhendiyè dan pudu te ki Saul.

1 Samuel 22:13

Migkeǥiyan ni Saul sikandin te, “Maan is duen planu niw ki David he mezaat he ebpekesuǥat kedì? Impekaan nu pa wey mibeǥayan nu te ispada, ne mid-insaan nu pa is Megbevayà para kandin. Guntaan egkuntedahan e zin duen din pa ganì planu te kedhimatey kedì.”

1 Samuel 22:15

Uya, mid-insaan ku is Megbevayà mehitenged kandin, kenà guntaan pa, kekenà, duen te nehuna pa. Piru edhangyù a kenikew he kenà a kenikew isumbung wey is tivuuk he pemilya ku, su wazè ku metueni heini he menge hitavù.”

1 Samuel 23:12

Mid-uman med-insà si David te, “Ibeǥey ed be vuwa wey is menge sakup ku te meǥinged te Keila ki Saul?” Midtavak is Nengazen te, “Uya, ibeǥey kew zan.”

1 Samuel 23:2

mid-insà sikandin te Nengazen te, “Edsurungen ku ve is menge Filistihanen.” Midtavak is Nengazen te, “Uya, surunga nu en wey melibri is Keila.”

1 Samuel 23:4

Mid-uman med-insà si David diyà te Nengazen, ne migkeǥiyan sikandin te, “Hendiyè ka te Keila, su edtevangan ku sikew ne egkezaag nu is menge Filistihanen.”

1 Samuel 30:8

Ne mibpenginginsà si David te Nengazen te, “Egkehimu ve he edtelukunan dey is midsurung kenami? Egkezaag dey vuwa sikandan?” Midtavak is Nengazen te, “Uya, telukuni niw sikandan su egkezaag niw, ne egkelibri niw is menge vinihag.”