1 Samuel 21:7 - Manobo Western Bukidnon OT

⁷ Neserengà te haazà he andew ne ziyà is suluǥuen ni Saul he si Doeg he Edomanhen. Iyan sikandin pengulu te ebantey te menge uyaǥen ni Saul. Diyà sikandin su zuen din sulunuzen para te Nengazen.

1 Samuel 21:7 ပူးပေါင်းရင်းမြစ်များ

Genesis 26:20

Piru mibpekidtebek is menge bekidu he tig-Gerar te menge bekidu ni Isaac su kandan kun haazà he kalut. Umbe migngezanan haazà ni Isaac he kalut te Esek, he ke và dà egkeǥiya, “Tebek,” tenged te mibpekidtebek is menge tig-Gerar kandin.

1 Cronica 27:29

Si Shitrai he tig-Sharon, ne iyan midseriǥan te menge vaka he ebpemenabtab diyà te penebtavà te Sharon. Si Shafat he anak ni Adlai, ne iyan midseriǥan te menge vaka ziyà te menge suǥud.

1 Cronica 27:31

Si Jaziz he Hagarnen, ne iyan midseriǥan te menge kerehidu. Iyan heini sikandan langun menge upisyal he menge sineriǥan te menge azen ni Hadì David.

2 Cronica 26:10

Midtukud daan sikandin te menge turi ziyà te sibsivayan ne mibpekalut te mezakel he menge vudsi he punduwà te wahig su utew mezakel is menge ayam din diyà te menge mibuntud-buntud diyà te edsenlepan wey ziyà te menge suǥud. Mevasuk daan sikandin. Duen din menge sakup he ebantey zutun te menge vevesukè din wey menge pemuleey te paras diyà te menge vuvungan wey ziyà te egkeveluyan he menge suǥud.

Ezekiel 33:31

Umbe, ed-uvey is menge etew ku ziyà te kenikew iring duen te layun dan ebeeli, ebpinuu zan diyà te etuvangan nu he henduen be te tutuu he ebpemineg dan kenikew, piru iyan benar is wazè dan tumana is mibpengaǥi nu. Netuleng dan dà te kegkaǥi he mahal e zan, piru iyan diyà te ǥehinawa zan is dekelà he kadar te selapì.

Leviticus 22:10

Iyan kew zà wey is pemilya niw, egkehimu he egkaan duen te vahin te menge pemuhat he para te menge memumuhat. Kenà egkehimu he egkaan kayi is meǥeliyug niw etawa sinuhulan niw he terebahanti.

Leviticus 22:13

Iyan, emun nevalu sikandin etawa nekedsuwey zan te esawa zin he wazè dan anak, ne midlikù med-ubpà duma te amey zin, ne ebpekekaan sikandin te keenen he egkezawat te amey zin dutun te kegkememumuhat din. Purungi niw tentenuzi he iyan kew zà is menge memumuhat wey is pemilya niw ebpekekaan te vahin te menge pemuhat he para keniyu.

Leviticus 24:5

Baal kew te 12 he vuuk he supas, he is kada sevaha mibeelan puun te heepat he kilu he meupiya he kelasi te herina.

Leviticus 24:8

Kinahanglan he layun idsavuk heini is menge supas diyà te etuvangan te Nengazen kada Andew te Kedhimeley. Ketengdanan niw heini te menge Israilihanen taman te taman.

Amos 8:5

Ima niw ke metapus en is Pista te Kebpuun te Hayag etawa Andew te Kedhimeley su wey kew mekepemelegyè en te trigu ne wey kew mekepenlimbung pinaaǥi te kedsukud, kedtakes, wey kedtimbang niw.

1 Samuel 11:5

Neserengà dutun he mid-ulì si Saul puun te pemuleey zin, midtundan din is menge vaka zin. Hein nezineg din is ebpemenineǥew mid-insà sikandin, “Hengkey ves is nehitavù? Maan is ebpemenineǥew is menge etew?” Ne zutun midtudtul te menge etew ziyà te kandin is migkaǥi te menge tig-Jabesh.

1 Samuel 14:47

Hein kedhadì ni Saul te Israel, mibpekidtebek sikandin te nekelingut kandin he menge kuntada zin. Iyan heini menge kuntada zin: is menge tig-Moab, menge tig-Ammon, menge tig-Edom, is menge hadì diyà te Zoba, wey is menge tig-Filistia. Is minsan hentei he kuntada zin ne egkezaag din.

1 Samuel 21:8

Mid-insaan ni David si Ahimelec te, “Duen be ispada nu wey ke bangkew vè? Wazà a mekeuwit te ispada ku wey minsan hengkey he gumaan tenged te utew epiki is suǥù te hadì.”

1 Samuel 22:10

Mid-insaan ni Ahimelec is Nengazen ke hengkey is ebeelan ni David, ne mibeǥayan din pa te keenen si David wey zuen te ispada ni Goliat he Filistihanen.”

1 Samuel 22:22

Migkeǥiyan ni David si Abiatar te, “Hein neehè ku si Doeg he midhendiyà te ki Ahimelec, netuenan ku he ebpenudtul ziyà te ki Saul. Umbe televaken ku is kegkepetaya te tivuuk he pemilya nu.

1 Samuel 22:9

Sevaha te ebpemenhitindeg dutun duma te menge upisyal ni Saul iyan si Doeg he Edomanhen. Migkaǥi sikandin diyà te ki Saul te, “Hein diyà a te Nob, neehè ku si David is midhendiyà te ki Ahimelec he anak ni Ahitub.