1 Samuel 21:3 - Manobo Western Bukidnon OT

³ Guntaan, hengkey is egkekaan nu kayi? Beǥayi a te lelima he supas wey minsan hengkey en.”

1 Samuel 21:3 ပူးပေါင်းရင်းမြစ်များ

Isaias 3:6

Dutun he timpu ebeyaan te sevaha he etew is kezuzumahi zin ne egkeǥiyan din te, “Tenged te meupiya pa is bisti nu, ne iyan ke en pengulu kenami kayi te timpu he nevengkag is lugar tew.” Piru egkaǥi haazà te, “Kenè ku sikiyu egketevangan. Wazè man ganì egkekaan wey igkevisti te pemilya ku, umbe kena a keniyu himuwa he pengulu.”

Zatù 9:29

Emun iyan a keniyu ed-egelenen siguradu igkepaawè ku si Abimelec. Egkeǥiyan ku sikandin he umani zin is menge sundaru zin ne human mebpekidtebek kedì.”

1 Samuel 21:2

Midtavak si David te, “Duen ku kayi tuyù he insuǥù te hadì, ne migkeǥiyan e zin te kenè ku kun egkeǥiyen diyà te minsan hentei is mehitenged kayi te insuǥù din. Ne mehitenged te menge sakup ku, ne migkeǥiyan ku sikandan he ebpekedtetelavuk key zà diyà te sevaha he lugar.

1 Samuel 21:4

Midtavak kes memumuhat te, “Wazè ku urdinaryu he supas, piru duen kayi supas he impemuhat. Ibeǥey ku heini emun sikew wey is menge sakup nu wazà mekepekidhulid te vahi te heini he menge andew.”