1 Samuel 20:31 - Manobo Western Bukidnon OT

³¹ Hein uuyag pa si David, kenè ka egkehimu he hadì. Guntaan, kuwaa nu sikandin ne zumaha nu kayi te kedì, su ereg sikandin he edhimetayan.”

1 Samuel 20:31 ပူးပေါင်းရင်းမြစ်များ

2 Samuel 12:5

Utew nepeuki ni David haazà is etew he sepian ne migkaǥi sikandin diyà te ki Natan te, “Idsaad ku ziyà te uuyag he Nengazen he engayan he edhimetayan is etew he mibaal zutun.

2 Samuel 19:28

Ereg pezem he ebpenhimetayan nu is menge kevuwazan te apù ku, piru siak is suluǥuen nu ne nehizuwan nu su impekaan nu zuma kenikew. Umbe kenà ad ereg he edhangyù pa kenikew te pebur.”

Salmo 79:11

Pemineǥa nu is dag-es te menge etew nu he menge vihag. Edhimetayan sikandan, umbe libriya nu sikandan pinaaǥi te ǥehem nu.

1 Samuel 19:6

Mibpezumazuma si Saul ki Jonatan, ne nenaad sikandin pinaaǥi te uuyag he Nengazen he kenè din en ebpehimetayan si David.

1 Samuel 20:30

Utew nepeuki ni Saul si Jonatan. Ke sikandin te, “Tulebung ka iyan he vatà! Netuenan ku he edlevanan nu si David. Ebpeel-elezan nu is keugelingen nu wey is iney nu.

1 Samuel 20:8

Deyzey ke ebeelan nu heini he iyan ebpenistiǥus te kesebutan he migkaǥi nu kedì diyà te etuvangan te Nengazen. Piru emun nekesalà a iyan, ne minsan sikew zà is edhimatey kedì. Kenè en kinahanglan he ibpalad e pa kenikew te amey nu.”

1 Samuel 23:17

Migkaǥi si Jonatan te, “Kenè ka mahandek su is amey ku ne kenà ebpekekaid kenikew. Su netuenan en te amey ku he egkehimu ka he hadì te Israel, ne ikezuwè e zà kenikew.”

1 Samuel 26:16

Kenà meupiya heini is kebpesegdana nu te hadì. Ibpenangdù ku ziyà te uuyag he Megbevayà he engayan ka he ebpatey wey is menge sakup nu, su wazè niw bentayi is egalen niw, he mibpilì te Nengazen he hadì. Ahaa nu ke keniyan ded be kes bangkew te hadì wey kes teleǥuey te wahig he keniyan te ulunan din.”