1 Samuel 20:27 - Manobo Western Bukidnon OT

²⁷ Hein sunud he andew, ikezuwa he andew te bulan, wazà gihapun ebpinuu zutun te pinuuwà ni David. Ne mid-insaan ni Saul si Jonatan te, “Maan is wazà mekehendini si David he anak ni Jesse te kegkaan gevii taman guntaan?”

1 Samuel 20:27 ပူးပေါင်းရင်းမြစ်များ

1 Samuel 19:15

Hein midtudtul zan heini ki Saul, ne impelikù sikandan ni Saul su para ibpaahà kandan si David, ne migkeǥiyan din sikandan te, “Uwita niw sikandin kayi te kediey is edhidhizeǥà te hizeǥeey zin su edhimetayan ku sikandin.”

1 Samuel 20:26

Wazè en kekeǥiyen ni Saul zutun mehitenged ki David te haazà he andew su egkeisip din is kela ke zuen neulaula ki David he kenà meupiya ne nehimu he nekeremerik kandin, umbe kenà ereg sikandin he ebpekidsevaha zutun te pista.

1 Samuel 20:28

Midtavak si Jonatan te, “Mibpenanghid kedì si David he ed-ulì diyà te Betlehem.

1 Samuel 20:5

Migkeǥiyan ni David si Jonatan te, “Keeselem Pista te Kebpuun te Hayag ne meupiya pezem ke dutun a is egkaan duma te amey nu. Piru emun ebpemineg ka he edhipanew a, ne ed-eles a taman te mezukilem te iketulu he andew.

1 Samuel 25:10

Wazà itetepian ni Nabal si David. Migkeǥiyan din dà is menge sakup ni David te, “Hentei heini si David he anak ni Jesse? Guntaan he menge andew mezakel is menge suluǥuen he ebpen-awà diyà te egalen dan.