1 Samuel 20:26 - Manobo Western Bukidnon OT

²⁶ Wazè en kekeǥiyen ni Saul zutun mehitenged ki David te haazà he andew su egkeisip din is kela ke zuen neulaula ki David he kenà meupiya ne nehimu he nekeremerik kandin, umbe kenà ereg sikandin he ebpekidsevaha zutun te pista.

1 Samuel 20:26 ပူးပေါင်းရင်းမြစ်များ

Leviticus 11:24

Kenè kew ǥawed te minatey he menge langgam he wazà metevì is sulu zan wey kenà ed-uman edsepà te kinaan dan. Kenè kew zaan gawed te minatey he menge langgam he heepat is menge paa zan he igkahis dan is menge sulu zan. Isipa niw he meremerik heini he menge langgam. Is minsan hentei he ebpekesamsam te minatey kandan, kinahanglan he ebpìpian din is bisti zin, ne ed-isipen pa sikandin he meremerik taman te mezukilem.

Leviticus 11:40

Is minsan hentei he egkuwa etawa egkaan te lawa kayi, kinahanglan he ebpìpian din is bisti zin, piru ed-isipen pa sikandin he meremerik taman te egkesakep.

Leviticus 15:5

Ne is minsan hentei he ebpekesamsam kandin etawa ebpekesamsam te midhizeǥaan din etawa mibpinuuwan din, kinahanglan he ebpìpian din is bisti zin wey mebpemeziǥù, piru ed-isipen pa ǥihapun sikandin he meremerik taman te egkesakep.

Numero 19:16

“Ed-isipen daan he meremerik seled te pitu he andew is minsan hentei he ziyà te gawas te kampu he nekeǥawed te etew he minatey pinaaǥi te ispada etawa netural he kemetayen. Iring din daan is nekesamsam te tulan te etew he minatey etawa leveng.

1 Samuel 16:5

Midtavak si Samuel te, “Uya, midhendini a su ebpemuhat a ziyà te Nengazen. Mebpekelumpiyu kew ne zuma kew kedì te ebpemuhat.” Ne midhimu ni Samuel is tulumanen para melumpiyuwi si Jesse wey is menge anak din, ne midhinggat din sikandan te kebpemuhat.

1 Samuel 20:27

Hein sunud he andew, ikezuwa he andew te bulan, wazà gihapun ebpinuu zutun te pinuuwà ni David. Ne mid-insaan ni Saul si Jonatan te, “Maan is wazà mekehendini si David he anak ni Jesse te kegkaan gevii taman guntaan?”