1 Samuel 20:12 - Manobo Western Bukidnon OT

¹² Migkeǥiyan ni Jonatan si David te, “Ibpenangdù ku ziyà te Nengazen he Megbevayà te Israel, he te iring kayi he uras keeselem wey ke sunud be he andew, ebpekidlalag a te amey ku, ne emun meupiya is gehinawa zin kenikew ne egkeǥiyen ku zà kenikew.

1 Samuel 20:12 ပူးပေါင်းရင်းမြစ်များ

2 Samuel 21:7

Piru si Mefiboshet is anak ni Jonatan he apù ni Saul ne wazà mulà iapil ni David te ebeǥey kandan, tenged te penangdù dan ki Jonatan diyà te etuvangan te Nengazen.

Job 31:4

Netuenan te Megbevayà is langun he ebeelan ku.

Salmo 17:3

Minsan is gehinawa ku ke mezukilem ne midsusi nu. Migezaman a kenikew ne wazè nu naahà he mezaat kayi te kediey. Midisisyun a he kenà a egkaǥi te mezaat

Erubasa 20:5

Is egketaǥù diyà te isip te etew, iring te wahig he mezalem, piru emun uluwanen ka, egketegkad nu heini.

Josue 22:22

“Is Nengazen iyan sikan is Mekeǥeǥehem he Megbevayà! Netuenan din ke maan is mibeelan dey heini, ne ereg daan heini he egketuenan niw. Emun iyan imbeeli zey kayi is kebpekidsukulà etawa kedsupak te Nengazen, ne kenè kew en tuǥut he meuyag-uyag key pa ǥuntaan he andew.

1 Samuel 20:11

Migkaǥi si Jonatan te, “Hengkayi ka, edhipanew ki, edhendiyè ki te pemuleey.” Ne migenat sikandan.

1 Samuel 20:13

Ne emun duen tuyù te amey ku te kedhimatey kenikew, ne kenè ku egkeǥiyen kenikew wey ka mekepelaǥuy, ne deyzey pa ke siluti ad te Nengazen te utew mereǥen. Berakat he iyan is Nengazen eduma kenikew iring te keduma zin te amey ku zengan.

1 Samuel 23:18

Mibaal zan dutun is dezuwa te kebpekid-uyun diyà te etuvangan te Nengazen. Ne zutun mid-ulì si Jonatan, ne si David mibpelintetaǥak dà diyà te Horesh.