1 Samuel 20:10 - Manobo Western Bukidnon OT

¹⁰ Mid-insà si David te, “Hentei ve is egkaǥi kedì emun egkepauk is amey nu?”

1 Samuel 20:10 ပူးပေါင်းရင်းမြစ်များ

Genesis 42:30

“Sikan is gubirnedur he impevayàbayà te tivuuk he ginhedian, mid-eǥetan key zin he migkaǥi te iyan inhendiyè dey is kebpeniid kandan.

Genesis 42:7

Ne zutun te naahà sikandan ni Jose, nekilala zin sikandan, piru henduen be te kenè din uvag egkengekilala ne midhenggeran din sikandan ne ke sikandin te, “Hendei kew ebpuun?” Ne midtavak dan te, “Diyè key ebpuun te Canaan, ne midhengkayi key su ebpemasa key te egkeenen.” Ne netenuzan din is menge teǥeinep din mehitenged kandan ne ke sikandin diyà te kandan te, “Teruen kew! Umbe midhendini kew su ed-ahaan niw is kebpekesavuk dey wey niw metueni ke egkezaag key keniyu!”

1 Hadì 12:13

Piru wazà pezumdumahi ni Rehoboam is menge sambag kandin dutun te menge ebpemendumala. Kekenà, midrengrengitan din dà haazà is menge etew

Erubasa 18:23

Is pubri, edhangyù diyà te sepian he ikehizu sikandin, ne is sepian, singka mulà is kandin he idtavak.

1 Samuel 20:11

Migkaǥi si Jonatan te, “Hengkayi ka, edhipanew ki, edhendiyè ki te pemuleey.” Ne migenat sikandan.

1 Samuel 20:9

Midtavak si Jonatan te, “Kenà egkeulaula is iring keniyan! Emun tutuu iyan he is amey ku duen din tuyù te kedhimatey kenikew ne egketuenan nu zà.”

1 Samuel 25:10

Wazà itetepian ni Nabal si David. Migkeǥiyan din dà is menge sakup ni David te, “Hentei heini si David he anak ni Jesse? Guntaan he menge andew mezakel is menge suluǥuen he ebpen-awà diyà te egalen dan.

1 Samuel 25:14

Duen sevaha he suluǥuen ni Nabal he nenudtul ki Abigail te esawa ni Nabal te, “Duen midsuǥù kayi ni David he ebpuun te sibsivayan, ne nengemusta sikandan ki Nabal he egalen dey, piru mid-insultu zin dà sikandan.

1 Samuel 25:17

Guntaan is-isipa nu ke hengkey is meupiya he ebeelan nu, su ebpekeveǥey heini te kezeetan diyà te esawa nu pehendiyè en te tivuuk he pemilya. Utew mezaat is betasan din, ne wazè din ebpemineǥen he etew.”