1 Samuel 2:8 - Manobo Western Bukidnon OT

⁸ Ed-enawen din is menge pubri zutun te utew zan kegkeayuayu. Ibpepinuu zin sikandan duma te menge metikang is pid-etawan dan ne edhimuwen din he telehuzen. Iyan sikandin teǥiǥaked te pundasyun ne zutun din isavuk is kelibutan.

1 Samuel 2:8 ပူးပေါင်းရင်းမြစ်များ

Genesis 41:14

Ne zutun mibpeveyaan te hadì si Jose, ne segugunà impeǥawas sikandin duen te pirisuwan. Hein nepesazan sikandin te ed-alut wey ebpemarbas, ne mid-ilis sikandin ne mid-etuvang diyà te hadì.

Genesis 41:40

Edhimuwen ku sikew he iyan ebayàbayà te turuǥan ku ne kinahanglan he ebpevayàbayà kenikew is minsan hentei he sakup ku. Iyan e zà lavew kenikew su iyan a hadì.”

2 Samuel 7:8

“Keǥiyi nu pa si David he iyan a, is Nengazen he Mekeǥeǥehem, egkaǥi te, ‘Mibantey ke zà dengan te menge kerehidu, piru mibpilì ku sikew he edumala te menge etew ku he Israilihanen.

1 Hadì 16:2

“Migkuwa ku sikew puun te mevavà he kebpekesavuk, ne midhimu ku sikew he pengulu temenge etew ku he Israilihanen. Piru mid-iringan nu is ulaula ni Jeroboam ne iyan ka nehimu he hinungdan te kebpekesalà te menge etew ku, ne midhimu nu he mepauk a tenged te menge salè dan.

2 Hadì 9:6

Midhitindeg si Jehu ne midseled diyà te valey. Ne mid-itisan duen te ebpeneuven is ulu ni Jehu te lana ne migkeǥiyan din te, “Iyan heini egkeǥiyen te Nengazen he Megbevayà te Israel: ‘Mibpilì ku sikew he hadì te menge etew ku he menge tig-Israel.

Job 1:21

Ke sikandin te, “In-anak a he wazè ku uwiten ne ebpatey a zaan he wazè ku uwiten. Is Nengazen is mibeǥey te langun he naangken ku, ne iyan daan sikandin migkuwa kayi. Ereg he edeliǥen is ngazan te Nengazen!”

Job 2:8

Ne migkuwa si Job te keving te ziniyun he neǥevà ne ingkaǥis din haazà duen te menge levag din dutun te ebpinuu sikandin te avu.

Salmo 102:25

Dengan mibeelan nu is kelibutan wey is langit.

Salmo 104:5

Impelastar nu is kelibutan diyà te nesevukan din, ne kenà heini egkewaleng taman te taman.

Salmo 107:41

Piru midtevangan din mulà is menge egkaayuayu te menge elentusen dan, ne mibpengelinteuwan din he mevuwad is menge pemilya zan iring te menge uyaǥen.

Salmo 24:2

Iyan sikandin mibangun te kelibutan ne ziyè din benguna te mezalem he wahig.

Salmo 75:3

Emun egkehuyung is kelibutan ne ebpengerkeren te kegkahandek is menge meǥinged kayi, ne iyan a edlig-en te mibengunan kayi.

Salmo 75:4

Migkeǥiyan ku is menge hembugiru he menge lalung te med-engked en sikandan he ebpahambug wey ebpehivantug tenged te egkehimu zan.

Salmo 75:7

kekenà, iyan dà is Megbevayà. Iyan sikandin edhukum; ebpekevevaan din is ked-etew te zuma, ne is duma ebeǥayan din te zengeg.

Megwewali 4:14

Ne haazà is betan-en egkehimu he egkahadì sikandin minsan nepirisu sikandin, ne haazà is hadì egkehimu he egkepubri sikandin minsan pa te neetew sikandin he ebpuun diyà te lavew he pemilya.

Isaias 22:23

Edhimuwen ku sikandin he melig-en diyà te ketengdanan din iring te senggatà diyà te elavat. Ne ebpekeveǥey sikandin te zengeg diyà te pemilya zin.

Daniel 2:48

Ne zutun mibeǥayan duen te hadì si Daniel te mahabet wey mekempet he menge gasa. Wey mibeǥayan din daan sikandin te metikang he ketengdanan su iyan din impezumala te tivuuk he prubinsya te Babilonia wey impepenguluwan kandin is langun he uluwanen he etew zutun.

Daniel 4:17

Iyan heini hukum he migkaǥi te menge velinsuǥuen su para metueni te langun he is Utew Lavew he Megbevayà, duen din gehem diyà te menge ginhedian te menge etew. Ne egkehimu ke edhimuwen din sikandan he sakup te minsan hentei he egkesuatan din he mehimu he egalen, minsan pa ke haazà is etew iyan en kineminusan te langun he menge etew.

Daniel 6:3

Ne si Daniel, iyan edhuna kandan te langun su geina te nekeviza is kandin he ebilidad, umbe mibpelanu sikan is hadì he ibpezumala zin si Daniel te tivuuk he ginhedian din.

1 Samuel 15:17

Migkaǥi si Samuel te, “Minsan mid-isip nu zengan is keugelingen nu he egkaayuayu, mibpilì ka ǥihapun te Nengazen he egkehimu he hadì te mge tribu te Israel.