1 Samuel 2:6 - Manobo Western Bukidnon OT

⁶ Is Nengazen, egkehimu zin is kedhimatey wey is ked-uyag te etew. Egkehimu zin is kedsevuka zin kandan diyà te iveyaan wey kegkuwaa kandan puun dutun.

1 Samuel 2:6 ပူးပေါင်းရင်းမြစ်များ

1 Hadì 17:22

Midtavak te Nengazen is ampù ni Elias, ne neuyaǥan haazà is batà.

2 Hadì 5:7

Ne hein nevasa zuen te hadì te Israel haazà is surat, mibindas din is bisti zin su mibmezaat is gehinawa zin he ke sikandin te, “Maan is kayi zin te kediey suǥùa heini is etew he zuen daru te lundis din? Hengkey e ves, Megbevayà a? Duen ku ve gehem te kedhimatey wey ked-uyag te etew? Ebpen-ehè dà sikandin te hinungdan wey key mekedtebek!”

Job 5:18

su is ebpelian din, ne edtembaran din; ne is ebpesekitan din, ne ebewian din wey meulii.

Salmo 116:3

Nahandek a su neǥezam ku he henduen be te hapit ad ebpatey; is kemetayen henduen be te pisì he nekevedbed kediey. Nesemukan a wey neipeng a,

Salmo 30:4

Sikiyu is metinumanen he menge etew te Nengazen, deliǥa niw is Nengazen pinaaǥi te kegkanta niw. Deliǥa niw sikandin te kedalig pinaaǥi te kedtentenuzi niw te kegkewaǥas din.

Salmo 68:20

Is Megbevayè tew, Megbevayà he edlibri. Iyan sikandin Nengazen he Megbevayà he edlibri kenitew te kemetayen.

Salmo 71:20

Minsan ibpesaǥad a kenikew te mahabet he menge elentusen, ne ebeǥayan a ǥihapun kenikew te veǥu he untung; egkeiring a te minatey he ebenhawen nu zed.

Megwewali 3:3

duen timpu te kedhimatey wey timpu zaan te kebawì, duen timpu te kedrundus wey timpu zaan te ked-uman kedtukud,

Isaias 26:19

Piru egkevanhew is menge etew nu he nemematey. Ed-enew sikandan is egkanta tenged te kelipey iring te zehemug emun meselem he ebpekeveǥey te keǥenew te tanà, sikew Nengazen ebenhawen nu is menge minatey.”

Ezekiel 37:12

Umbe keǥiyi nu sikandan he siak, is Nengazen he MEGBEVAYÀ, migkaǥi a te, ‘He menge etew ku, ed-ebriyan ku is menge leveng niw ne ebenhawen ku sikiyu, ne idlikù ku ziyà te tanà he Israel.

Ezekiel 37:3

Mid-insà is Nengazen kayi te kedì te, “Sikew is etew, egkeuyag pe be heini is menge tulan?” Midtavak a te, “He Nengazen he MEGBEVAYÀ, iyan ke zà netau keniyan.”

Deuteronomio 32:39

Ahaa niw is puriba ǥuntaan he iyan e zà Megbevayà! Wazè en duma he Megbevayà gawas kedì. Iyan a edhimatey ne iyan a zaan ebeǥey te untung; iyan a ebpalì wey iyan a zaan ebawì te palì, ne wazà egkelibri emun edezeetan ku.

1 Samuel 20:3

Midtavak si David te, “Netuenan te amey nu he utew ki teleelukuy, umbe ed-elesan ke zin te planu zin he edhimetayan e zin su kela ke mebmesakit is gehinawa nu. Piru egkeǥiyen ku kenikew ziyà te etuvangan te uuyag he Nengazen, he ǥuntaan ebpemiligru-a te kemetayen.”