1 Samuel 2:4 - Manobo Western Bukidnon OT

⁴ Edèdeetan din is menge gemhanan, ne ebeǥayan din te zesen is menge meluya.

1 Samuel 2:4 ပူးပေါင်းရင်းမြစ်များ

Salmo 18:39

Mibeǥayan a kenikew te zesen te kebpekidtebek, ne nengezaag ku is menge kuntada ku.

Salmo 37:15

Piru iyan sikandan egkeuney egketiyuk te ispada zan, ne egkengevadtì is menge panè dan.

Salmo 37:17

Su id-awà te Nengazen is desen te menge lalung, ne edtevangan din mulà is menge metazeng.

Salmo 46:10

Migkaǥi sikandan te, “Engked kew en he ebpetebtebekà. Ne kilelaa a keniyu is Megbevayà. Ebentuǥen a te menge nasyun kayi te tivuuk he kelibutan.”

Salmo 46:9

Ibpeengked din is menge tebek kayi te tivuuk he kelibutan. Ebpemedtìen din is menge panà wey menge vangkew, ne idrapug din is menge kelasag.

Salmo 76:3

Dutun he lugar mibpendezeetan din is edhagyung he menge vesut te panà te menge kuntada, is menge kelasag dan, is menge ispada zan, wey is duma pa he menge ǥumaan dan.

Isaias 10:4

Wazà egkesamà keniyu, kekenà, egkengevihag kew etawa ebpemematey. Piru kenè pa ǥihapun egkeengked is pauk te Nengazen! Andam pa ǥihapun sikandin he edsilut keniyu.

Isaias 40:29

Ebeǥayan din te zesen is menge meluya wey nengeveley.

Jeremias 37:10

Minsan egkezaag niw pa is langun he menge sundaru he edsurung keniyu, ne iyan dà egkesamà kandan is menge teǥepalì he ziyà te menge tulda zan, edsurung gihapun sikandan kayi te inged, ne ebinsulan dan heini.’ ”

Jeremias 51:56

Ebpekeuma is edezaat te Babilonia ne ebihaǥen is menge sundaru zin, ne egkengevadtì is menge panè dan. Su siak, is Nengazen, iyan Megbevayà he edsilut te menge lalung. Idsilut ku ziyà te Babilonia is silut he ereg kayi.