1 Samuel 2:35 - Manobo Western Bukidnon OT

³⁵ Ne ebpilì a te metazeng wey metinumanen he memumuhat he edsunud te egkesuatan ku. Ne ebeǥayan ku sikandin te menge kevuwazan he ebpenilbi te mibpilì ku he hadì taman te taman.

1 Samuel 2:35 ပူးပေါင်းရင်းမြစ်များ

2 Samuel 7:11

puun pa te timpu te kedsevuki ku te menge pengulu te menge etew ku he Israilihanen. Ebeǥayan ku te kelinew is ginhedian nu, ne wazè en kuntada he ebpekeseled dutun. Iyan a, is Nengazen, migkaǥi kenikew he iyan edhadì layun is sevaha te menge kevuwazan nu.

2 Samuel 7:27

Nengazen he Mekeǥeǥehem, Megbevayà te Israel, zuen ku kevurut te kebpengemuyù kayi ziyà te kenikew tenged te impahayag nu kedì te suluǥuen nu he layun duen egkehimu he hadì he sevaha te menge kevuwazan ku.

1 Hadì 1:45

Kebpekeuma zan diyà te Gihon, midlenahan sikandin ni Zadok wey si Natan he tuus te iyan sikandin pinilì he hadì. Puun dutun, midtekezeg sikandan medlikù dini te Jerusalem ne ebpemen-ugyab dan te kegkelipey wey is menge etew te inged. Ne iyan heeyan is meǥurub he egkezineg niw.

1 Hadì 1:8

Piru wazà mulà meduyug kandin si Zadok he memumuhat, si Benaya he anak ni Jehoyada, si Natan he ebpeneuven, si Shimei, si Rei, wey is menge vantey ni David.

1 Hadì 11:38

Emun edtumanen nu is langun he idsuǥù ku kenikew wey edsunuzen nu is menge paaǥi ku, wey emun ebaal ka te meupiya ziyà te etuvangan ku pinaaǥi te kedtumana nu te menge sulunuzen he ibpesunud ku wey menge suǥù iring te mibeelan ni David he suluǥuen ku, eduma a kenikew. Ebpekepedayun ebpekahadì is menge kevuwazan nu iring te menge kevuwazan ni David, ne ibeǥey ku kenikew is Israel.

1 Hadì 2:35

Ne zutun midhimu zuen te hadì si Benaya he peremandar te menge sundaru ilis ki Joab, ne is in-ilis din ki Abiatar iyan si Zadok he memumuhat.

1 Cronica 29:22

Nemengaan dan wey nemen-inum he melipayen diyà te etuvangan te Nengazen te haazà he andew. Ne sunud dutun, intubuy zan en si Solomon he anak ni David he iyan hadì dan. Midlenahan si Solomon he anak ni David diyà te etuvangan te Nengazen he tuus he iyan en hadì dan, midlenahan daan si Zadok he tuus te kegkememumuhat din.

Salmo 18:50

Is pinilì nu he hadì ebeǥayan nu te zekelà he menge kezeeǥan. Mahal nu si David wey is menge kevuwazan din te wazà pidtemanan.

Salmo 2:2

Is menge hadì wey is menge pengulu kayi te kelibutan, ne midtiǥum dan wey nengandam te kebpekidtebek te Nengazen wey te hadì he mibpilì din.

Exodus 1:21

Ne ǥeina te midtahud dutun te menge mengunguyamu is Megbevayà, mibeǥayan din sikandan te keugelingen dan he menge pemilya.

Ezekiel 34:23

Ebeǥayan ku sikandan te sevaha he tig-elima he kevuwazan te suluǥuen ku he si David. Iyan sikandin ed-atur wey egkehimu he ed-elima.

Numero 25:13

Ne uyun heini he ebpedayun is kegkememumuhat din su pehendiyè en te kegkelapislapis te menge kevuwazan din taman te taman, su impeehè din is utew zin kegkepauk tenged te salà ne mibelukasan din is menge Israilihanen te menge salè dan.”

1 Samuel 10:10

Dutun te nekeuma si Saul wey kes suluǥuen din diyà te Gibea, midsinuǥung kandan is grupu te menge ebpeneuven ne midseled diyà te kandin is Mulin-ulin te Megbevayà ne miduma sikandin kandan is ebpenagnà.

1 Samuel 10:9

Ne hein mid-awè en si Saul ziyà te ki Samuel, mibeǥu te Megbevayà si Saul. Ne kes langun he migkaǥi ni Samuel kandin ne segugunà nengetuman te haazè dà he andew.

1 Samuel 12:3

Kayi a ǥuntaan te etuvangan niw, emun duen ingkesilag niw kedì, ne keǥiya niw kedì guntaan kayi te etuvangan te Nengazen wey te hadì he mibpilì din. Duen ku ve mibpeǥespeǥes keniyu te kegkuwaa ku te vaka wey ke asnu ziyà te minsan hentei keniyu? Duen ku ve midlimbungan keniyu etawa midlupiglupiǥ? Wazè ku ve ikula is hustu he kukuman su mibpesuhul a? Emun duen ebpekepenistiǥus he zuen ku neveelan kayi ziyà te minsan hentei keniyu, ne ebeyazan ku heeyan.”

1 Samuel 16:13

Ne migkuwa ni Samuel kes lana ne midlenahan din is ulu ni David he zutun te etuvangan te menge suled din. Ne puun dutun mid-ulinan si David te Mulin-ulin te Nengazen. Ne mid-ulì human si Samuel ziyà te Rama.

1 Samuel 2:36

Ne is egkesamà te kevuwazan nu, ne ebpehizuhizu sikandan te menge kevuwazan te heini he memumuhat he veǥayi zin sikandan te selapì wey egkekaan. Edhangyù sikandan he himuwa sikandan he timbang he menge memumuhat su wey zan duen egkekaan.”

1 Samuel 25:28

Peseyluwa a kenikew te menge kegkurang ku. Siguradu he edhimuwen ka te Nengazen he hadì wey is menge kevuwazan nu, su mibpekidtebek ka tenged kandin. Deyzey ke kenè ka ebaal te mezaat te kemulu ke pa uuyag.

1 Samuel 3:1

Dutun he menge andew he si Samuel ebpenilbi en te Nengazen, dizalem sikandin te kedumala ni Eli, ne mezelag dà ebpekidlalag is Nengazen, wey deisey zà is egkengelewasan.

1 Samuel 7:9

Ne zutun migkuwa si Samuel te kerehidu he wazè pa lutasa ne midhimetayan din ne midtutung din haazà is senge vuuk he pemuhat he edtutungen para te Nengazen. Nengemuyù sikandin diyà te Nengazen su ebpekitavang para te Israel ne midtavak sikandin te Nengazen.

1 Samuel 8:3

Piru wazè dan sunuza is ulaula te amey zan. Edhuna ziyà te gehinawa zan is selapì, edawat dan te sipsip, wey edtuisen dan is hustu he kukuman.

1 Samuel 9:12

Midtavak dan te, “Uya, kayi sikandin. Nehuna zà sikandin keniyu. Su veǥu pa utew sikandin mekeuma ziyà te inged dey para te kebpengulu te menge etew te kebpemuhat diyà te simbahan diyà te metikang he lugar. Pekeǥaan kew!

1 Samuel 9:13

Selineuta niw sikandin te kenè pa ebpekeǥenat su ziyà egkaan. Su edteǥazan sikandin te menge etew he mid-imbitar ke ebpekeuma, su iyan sikandin ebpengumew-umew zutun te ibpemuhat ne human dan ebpemengaan. Umbe tekezeg kew en diyan su egkesaut niw pa.”