1 Samuel 2:34 - Manobo Western Bukidnon OT

³⁴ Ne para metuusi nu he egkeulaula heini is migkaǥi ku, ebpatey is dezuwa he anak nu he si Hofni wey si Finehas te senge andew zà.

1 Samuel 2:34 ပူးပေါင်းရင်းမြစ်များ

1 Hadì 13:3

Dutun he andew, mibeǥey haazà is suluǥuen te Megbevayà te tuus he egketuman heini is migkaǥi te Nengazen. Ke sikandin te, “Egketempag heini he pemuhatà ne egkeulaan is avu kayi he pemuhatà.”

1 Hadì 14:12

Ne migkeǥiyan ni Ahia haazà is esawa ni Jeroboam te, “Ulì ke en diyà te keniyu. Ne kebpekeuma nu ziyà te inged niw, ebpatey is anak nu.

1 Samuel 10:7

Ne emun egketuman en heini, beeli nu en ke kengkey is meupiya, su zuma nu en is Megbevayà.

1 Samuel 2:33

Is duma he sakup te pemilya nu edtuǥutan ku he mekepedayun he ebpenilbi kedì pinaaǥi te kegkememumuhat, piru ebpekaantus pa sikandan te utew mereǥen wey kenè en egkeuǥet ne ebpematey zan.

1 Samuel 3:12

Emun egkeuma haazà he andew ne ebeelan ku is langun he migkaǥi ku he ebpekesuǥat te pemilya ni Eli.

1 Samuel 4:11

Kenà iyan dà haazà, kekenà, naaǥew pa te menge Filistihanen kes Kavan te Kebpekid-uyun, wey nepatey kes dezuwa he anak ni Eli he si Hofni wey si Finehas.

1 Samuel 4:17

Midtavak kes etew te, “Nezaag is menge Israilihanen te menge Filistihanen ne mibpelaǥuy zan. Utew mezakel is nemematey he sundaru tew, naapil zaan kes dezuwa he menge anak nu he si Hofni wey si Finehas. Wey naaǥew zaan kes Kavan te Kebpekid-uyun te Megbevayà.”

1 Samuel 4:21

Hein wazè pa sikandin mebpatey iyan inngazan din dutun te vatà is Ikabud, he ke và dà egkeǥiya, “Naawè en diyà te Israel is mekeǥeǥehem he kebpekiduma te Megbevayà te Israel.” Su ǥeina kun te naaǥew kes Kavan te Kebpekid-uyun te Megbevayà wey minatey is esawa zin wey enuǥang din he maama.