1 Samuel 2:33 - Manobo Western Bukidnon OT

³³ Is duma he sakup te pemilya nu edtuǥutan ku he mekepedayun he ebpenilbi kedì pinaaǥi te kegkememumuhat, piru ebpekaantus pa sikandan te utew mereǥen wey kenè en egkeuǥet ne ebpematey zan.

1 Samuel 2:33 ပူးပေါင်းရင်းမြစ်များ

1 Hadì 1:19

Nemuhat sikandin te mezakel he tudu he menge vaka, impelambù he menge turiti he vaka, wey menge kerehidu, ne mid-imbita zin is hapit langun te maama he menge anak nu, gawas dà ki Solomon te suluǥuen nu. Mid-imbita zin daan si Abiatar he memumuhat wey si Joab he peremandar te menge sundaru nu.

1 Hadì 1:7

Mibpekidlalag si Adonia ki Joab he anak ni Zeruya wey ki Abiatar he memumuhat bahin te pelanu zin he kedhadì, ne mid-uyun sikandan te ked-uǥup kandin.

Leviticus 26:16

iyan heini ebeelan ku keniyu: Egketeranta kew te kegkahandek su ebpeeǥiyan ku sikiyu te menge zaru he kenà egkeulian wey dateng he ebpekezezaat te menge mata niw wey menge lawa niw. Ebpemula kew ne kenà heini ebpulus diyà te keniyu su edsurungen kew te menge kuntada niw ne egkeenen dan is menge abut niw.

1 Samuel 2:34

Ne para metuusi nu he egkeulaula heini is migkaǥi ku, ebpatey is dezuwa he anak nu he si Hofni wey si Finehas te senge andew zà.

1 Samuel 22:18

Ne zutun midsuǥù te hadì si Doeg he Edomanhen he iyan ibpepenhimatey te menge memumuhat, ne mibpenhimetayan dan ni Doeg. Te haazè dà he andew ne 85 he menge memumuhat is mibpenhimetayan ni Doeg.