1 Samuel 2:29 - Manobo Western Bukidnon OT

²⁹ Guntaan, maan is egkevuten niw pa is menge pemuhat para kedì? Maan is iyan nu ibpelavi is menge anak nu kenà siak? Su ebeleǥazen nu sikandan he iyan dan ibpelambù is kandan he keugelingen dutun te menge meupiya he vahin dutun te pemuhat he ebpuun te menge etew ku he Israilihanen.

1 Samuel 2:29 ပူးပေါင်းရင်းမြစ်များ

2 Hadì 12:6

Piru taman en te ike-23 he tuig te kedhadì ni Joash, wazà gihapun mepurungi te menge memumuhat sikan is baley te Nengazen.

Salmo 26:8

Nengazen, mahal ku is baley he ubpeey nu, he iyan kes lugar he zutun egkaahà is kegkemekeǥeǥehem nu.

Ezekiel 13:19

Mibpendezeisey a keniyu ziyà te etuvangan te menge etew ku tenged dà te nepipira he kemkem te barli wey nepipira he supas. Mibpenhimetayan niw is kenà ereg he edhimetayan, ne mibpesagdan niw he meuyag-uyag is ereg pezem he ebpatey.

Ezekiel 34:10

Iyan a, is Nengazen he MEGBEVAYÀ, migkaǥi he kuntada ku sikiyu, wey edsukutan ku sikiyu tenged te nehitavù te menge kerehidu ku. Kenè ku en sikiyu ibpaatur te menge kerehidu, su iyan niw zà ed-eturen is keniyu he keugelingen. Edlibriyen ku is menge kerehidu ku ziyà te keniyu, ne kenè niw en sikandan egkekaan.

Ezekiel 34:2

“Sikew is etew, kaǥi ka te ebpekesuǥat te menge perevantey te Israel. Keǥiyi nu sikandan he iyan a, is Nengazen he MEGBEVAYÀ migkaǥi te: Mekehizuhizu kew is menge perevantey te Israel. Keugelingen niw zà is ed-eturen niw! Kenè be is menge perevantey kinahanglan he ed-eturen din is menge kerehidu?

Hoseas 4:8

Egkesuat kew he mekesalà is menge etew ku su wey kew mekekaan te pemuhat dan he para idlumpiyu.

Leviticus 19:15

Kinahanglan he meketezenganen wey hustu is kedhukum niw ziyà te hukmanan; kinahanglan he wazè niw ibpelavi, sepian etawa pubri.

Micas 3:5

“Iyan heini migkaǥi te Nengazen mehitenged te menge ebpeneuven he nenazin te menge etew zin, he nenaad dan te meupiya he kebpekesavuk diyà te menge mibpekaan kandan, ne mibpahayag dan te kezeetan te menge wazà mebpekaan kandan:

Deuteronomio 32:15

Mid-uswag is menge Israilihanen piru nekidsukulè dan gihapun. Mibmelembù dan wey midekelà, iyan mid-iniyuǥan dan is Megbevayà he iyan midlimbag kandan, wey mid-engkezan dan is endilungè dan he vatu he iyan daan menluluwas dan.

Deuteronomio 33:9

Impeehè dan is kezekelà te kebpekid-unungen dan kenikew he lavew te kebpekid-unungen te menge ginikanan dan, menge suled dan, wey menge anak dan. Midtuman dan is lalag nu, wey midtipiǥan dan is insurat he kebpekid-uyun nu kandan.

Josue 18:1

Ne hein naaǥew en te tivuuk he keet-etawan te Israel haazà is tanà, midtiǥum sikandan is langun diyà te Shilo, ne mibaal sikandan te Tulda he Edtelevukaayan dan.

1 Samuel 3:13

Su mibpetizeenan ku sikandin he edsilutan ku is pemilya zin taman te taman tenged te mibpesagdan din is menge anak din te kebaal te salà he utew mekeeled-eled minsan netuenan din haazà.