1 Samuel 2:28 - Manobo Western Bukidnon OT

²⁸ Is langun he tribu te Israel, iyan ku mibpilì is pemilya zin he edhimuwen ku he menge memumuhat he ebpenilbi ziyà te pemuhatà, edtutung te veyewà, wey igkukumbalè dan is ipud diyà te etuvangan ku. Imbeǥey ku zaan is bahin duen te menge pemuhat pinaaǥi te hapuy he ibpemuhat te menge Israilihanen.

1 Samuel 2:28 ပူးပေါင်းရင်းမြစ်များ

2 Samuel 12:7

Ne migkeǥiyan ni Natan si David te, “Iyan ka haazà! Iyan heini lalag te Nengazen he Megbevayà te Israel: ‘Mibpilì ku sikew he hadì te Israel ne midlibri ku sikew ziyà te ki Saul.

2 Samuel 6:14

Midsayew si David diyà te etuvangan te Nengazen pinaaǥi te tivuuk he zesen din, he migkukumbalà te ipud he linu.

Exodus 28:1

“Ipeviza nu puun te zuma he menge etew is suled nu he si Aaron wey sikan is menge anak din he ensi Nadab, Abihu, Eleazar, wey Itamar, su edhimuwen ku sikandan he menge memumuhat he ebpenilbi kedì.

Exodus 28:4

Ne iyan heini menge visti he ebeelan para kandin: is teleǥuey ziyà te kumeng, ipud, pendivavew he visti, pendizalem he visti he binurdahan, tengkulu, wey vagkes. Kinahanglan he ebaal zan te menge visti he para ki Aaron wey para te menge anak din he maama, su para mekepenilbi sikandan kedì pinaaǥi te kebpemuhat.

Exodus 30:7

“Kada meselem emun ed-etimanen ni Aaron sikan is menge sulù, kinahanglan he edtutung sikandin dutun he pemuhatà te mehemut he veyewà.

Exodus 30:8

Ne emun edtemteman din sikan is sulù ke egkesakep en, kinahanglan gihapun he edtutung sikandin te veyewà. Ne heini is kebpemuhata kedì pinaaǥi te kedtutung te veyewà, kinahanglan he kada andew is kebeeli zuen pehendiyè en te huziyan he menge lapis te kevuwazan.

Leviticus 2:10

Ne is samà dutun te pemuhat, ne ǥaked en ni Aaron wey te menge kevuwazan din, ne utew heini segradu su zuma heini zuen te pemuhat pinaaǥi te hapuy he impemuhat diyà te Nengazen.

Leviticus 2:3

Is egkesamà dutun te herina, ne ǥaked ni Aaron wey te menge kevuwazan din, ne utew heini segradu su zuma heini zuen te pemuhat pinaaǥi te hapuy he impemuhat diyà te Nengazen.

Leviticus 6:16

Is egkesamà he herina, ne edhilutuen ne egkeenen ni Aaron wey te menge memumuhat he menge kevuwazan din. Piru hilutua zan heini he wazè din tapey, ne keena zan diyà te lama te Tulda he Edtelevukaayan, he segradu he lugar. Imbeǥey heini kandan te Nengazen he kandan he vahin duen te menge pemuhat he pinaaǥi te hapuy. Is pemuhat he para gasa utew heini segradu iring te pemuhat he para idlumpiyu wey te pemuhat he vayad te salà.

Leviticus 7:32

Is kewanan he vuvun duen te uyaǥen ne ibeǥey ziyà te memumuhat he nemuhat te lengesa wey tavà kayi.

Leviticus 7:36

Dutun he andew te kedhimuwa te menge memumuhat he menge memumuhat, midsuǥù te Nengazen is menge Israilihanen he iveǥey zan haazà he vahin he para te menge memumuhat, para kandan haazà taman te taman, ne tumana zan heini wey te peleebuten he kevuwazan dan.

Numero 16:5

Ne migkeǥiyan din si Kora wey is langun he sumusunud kandin te, “Keeselem ke meselem ibpezayag te Nengazen ke hentei is tutuu he mibpilì din he ebpenilbi kandin pinaaǥi te kegkememumuhat, su ibpeuvey zin diyà te etuvangan din is mibpilì din. Umbe iyan heini veeli niw keeselem: Kuwa kew te teleǥuey te menge veyewà,

Numero 18:19

Uya, ibeǥey ku keniyu heini is langun he menge segradu he pemuhat he ibayew te menge Israilihanen kayi te kedì. Para heini kenikew wey te menge kevuwazan nu he iyan keniyu he vahin taman te taman. Iyan heini kebpekid-uyun ku kenikew wey te menge kevuwazan nu he kenà egkahalin taman te taman.”

1 Samuel 14:3

Sevaha zutun te sakup din si Ahia he memumuhat, he migkukumbalà te ipud. Si Ahia anak ni Ahitub, he suled ni Ikabud. Si Ahitub, anak ni Finehas. Si Finehas, anak ni Eli he memumuhat dengan te Nengazen diyà te Shilo. Wazà netau te kegenat ni Jonatan.

1 Samuel 2:18

Dutun he timpu, is batà he si Samuel pedayun he mibpenilbi te Nengazen. Midsul-ub sikandin te ipud he linu.