1 Samuel 2:27 - Manobo Western Bukidnon OT

²⁷ Duen sevaha he suluǥuen te Megbevayà he mid-uvey ziyà te ki Eli he egkaǥi te, “Iyan heini lalag te Nengazen: Impesavut ku ziyà te gin-epuan niw he si Aaron wey ziyà te pemilya zin te kemulu zan pa neuripen te hadì te Ehipto.

1 Samuel 2:27 ပူးပေါင်းရင်းမြစ်များ

1 Hadì 13:1

Dutun he timpu midsuǥù te Nengazen is sevaha he suluǥuen din he tig-Juda te kedhendiyà te Betel. Ne kebpekeuma zin diyà, ne edhithitindeg si Jeroboam diyà te pemuhatà su ebpemuhat.

1 Hadì 2:27

Ne in-awà ni Solomon si Abiatar ziyà te ketengdanan din he kegkememumuhat te Nengazen. Ne netuman sikan is migkaǥi te Nengazen diyà te Shilo vahin te pemilya ni Eli.

Exodus 12:1

Ne migkaǥi is Nengazen diyà te ki Moises wey ki Aaron diyà te Ehipto te,

Exodus 12:43

Migkaǥi is Nengazen diyà te ki Moises wey ki Aaron te, “Iyan heini menge sulunuzen mehitenged te Pista te Kedlavey te Belinsuǥuen: “Dutun te kedsilibra, kenè niw ipekaan is lumelengyawà.

Exodus 4:27

Migkaǥi is Nengazen diyà te ki Aaron te, “Hipanew ka ne sinuǥunga nu si Moises diyà te sibsivayan.” Umbe midsinuǥung din si Moises diyà te Buntud te Megbevayà ne midhezekan din si Moises tuus te kegkeǥalew zin.

Deuteronomio 33:1

Iyan heini menge lalag ni Moises te suluǥuen te Megbevayà hein mibpenubtuvazan din is menge Israilihanen dutun te wazè pa sikandin mebpatey.

Zatù 13:6

Midtudtulan duen te vahi is esawa zin. Ke sikandin te, “Mibpaahà kedì is suluǥuen te Megbevayà he henduen be te velinsuǥuen te Megbevayà. Migkulbaan a! Wazà a mekeinsà ke tighendei sikandin ne wazè din daan keǥiya ke hentei sikandin.

Zatù 6:8

midsuǥù te Nengazen diyà te kandan is sevaha he ebpeneuven he migkaǥi ziyà te kandan te, “Iyan heini egkeǥiyen te Nengazen he Megbevayà te Israel: ‘Impegawas ku sikiyu ziyà te Ehipto he zutun kew uripena.

1 Samuel 3:12

Emun egkeuma haazà he andew ne ebeelan ku is langun he migkaǥi ku he ebpekesuǥat te pemilya ni Eli.

1 Samuel 9:4

Umbe, migenat si Saul wey kes suluǥuen is ebpen-ahà. Midhendiyè dan te vuvungan te Efraim wey ziyà te lugar he Shalisha, ne wazè dan en maahà kes menge asnu. Ne midhendiyè dan en maan te lugar he Shaalim wey te lugar te menge kevuwazan ni Benjamin, ne wazè dan en meturedu.

1 Samuel 9:6

Piru midtavak kes suluǥuen te, “Wey kan be! Henduen te zuen uvey kayi he inged he zuen dutun ed-ubpà he ebpeneuven te Megbevayà. Edtehuzen sikandin te menge etew, ne is menge egkeǥiyen din ne egkengetuman utew. Edhendiyè ki en guntaan te kandin, kela ke mepenurù ki zin ke hendei ta egketuredu kes menge asnu.”