1 Samuel 2:25 - Manobo Western Bukidnon OT

²⁵ Mid-uman megkaǥi si Eli te, “Ke zuen etew he ebpekesalà diyà te zuma zin, egkehimu he iyan ebpeteliwazà kandan is Megbevayà; piru hentei is egkehimu he ebpeteliwazà ke ebpekesalà is etew ziyà te Nengazen?” Ne zutun wazà pemineǥa te menge anak din is lalag din tenged te nepasad en is hukum kandan te Nengazen he edhimetayan sikandan.

1 Samuel 2:25 ပူးပေါင်းရင်းမြစ်များ

Genesis 38:10

Ne mezaat diyà te etuvangan te Nengazen haazà is mibeelan ni Onan, umbe midhimetayan din si Onan.

Genesis 38:7

Piru mezaat is ulaula ni Er ziyà te etuvangan te Nengazen, umbe midhimetayan sikandin te Nengazen.

1 Hadì 8:31

“Emun is sevaha he etew idsumbung he nekesalà diyà te iring din he etew, ne haazà ibpehendiyà te pemuhatà para kenikew kayi te valey nu te kebpenangdù he wazè din salà,

1 Hadì 8:32

pemineǥa nu heini ziyan te langit wey hukumi nu is menge suluǥuen nu–is edsumbung wey is idsumbung. Siluti nu is nekesalà sumalà te neveelan din, ne libriya nu is wazà salà para metueni he wazà sikandin mekesalà.

2 Cronica 10:15

Umbe wazà pemineǥa zutun te hadì is hangyù dutun te menge etew, su paaǥi te Megbevayà he iyan egketuman is migkaǥi zin diyà te ki Jeroboam he anak ni Nebat pinaaǥi ki Ahia he tig-Shilo.

2 Cronica 25:16

Dutun te kemulu pa egkaǥi haazà is ebpeneuven, ne midtavak haazà is hadì te, “Maan is edsembaǥan a kenikew? Midhimu ku ve sikew he peresambag? Mebpereremek ka, emun kenè ka egkesuat he ebpatey.” Umbe, mibpereremek haazà is ebpeneuven hein nekepasad sikandin he egkaǥi kayi: “Siguradu he edèdeetan ka te Megbevayà tenged te mid-azap nu is duma he menge ed-ezapen ne wazè ka mebpemineg kedì.”

Job 9:33

Angin pezem ke zuen ebpekepeteliwazà kenami he edhusey kenami te zezuwa.

Salmo 51:16

Kenè nu igkesuat is menge pemuhat, ne minsan pa ke ebpemuhat a ziyà te kenikew te pemuhat he edtutungen, ne kenè nu heini igkelipey.

Salmo 51:4

Diyè e zà te kenikew mekesalà. Mibeelan ku is menge vaal he mid-isip nu he mezaat. Umbe hustu is menge lalag nu he ebpekesuǥat kedì. Utew hustu is kedhukumi nu kediey.

Erubasa 13:1

Is anak he uluwanen, ebpezumazuma te kebmensuwa kandin te amey zin, piru is anak he sumpalit, ne kenà ebpemineg he edewayen.

Erubasa 15:10

Utew merasey is ibmansu te etew he ed-engked he ed-ulaula te meupiya, ne is kenà ebpezawey, iyan egkepengkusan din is kemetayen.

Erubasa 29:1

Is etew he kenà ebpezumazuma minsan layun en edewaya, ne iyan egkepengkusan din is egkerumpak sikandin diyà te kezeetan ne wazè en paaǥi wey meǥaud sikandin dutun.

Megwewali 3:3

duen timpu te kedhimatey wey timpu zaan te kebawì, duen timpu te kedrundus wey timpu zaan te ked-uman kedtukud,

Numero 15:30

“Piru sikan is midtivevà is kebaal zin te salà, Israilihanen man etawa kenà, ne midsumpalit e zin. Ne kinahanglan he kenè en sikandin egkilelaan he zuma niw.

Deuteronomio 1:17

Kinahanglan he wazè dan edepiǥan dutun te kedhusey zan; iped-iring dan is kebpemineǥa zan te menge pubri wey menge sepian. Ne kenè dan mahandek te minsan hentei su is kedhukum dan, keǥehem he imbeǥey kandan te Megbevayà. Ne emun mereǥen he edhusayen is rirù ne uwita zan kayi te kediey, ne iyan a edhusey zutun.

Deuteronomio 2:30

Piru wazè kiw ipevayà ni Hadì Sihon he hadì te Heshbon. Su mibpekezesen te Nengazen he Megbevayè niw is gehinawa zin su ibeǥey zin sikandin diyà te kenitew, ne imbeǥey zin en iyan.

Josue 11:20

Su mibpekubalan te Nengazen is gehinawa zan su wey zan sukuli te tebek is menge Israilihanen. Ne pinaaǥi kayi egkepurung sikandan egkezeeti ne ebpenhimetayan he kenè ne egkelizuwan, su iyan insuǥù te Nengazen ki Moises.

1 Samuel 3:14

Umbe, impenangdù ku he is salà te pemilya ni Eli taman te taman ne kenà egkepesaylu pinaaǥi te kebpemuhat te minsan hengkey he menge pemuhat.”