1 Samuel 2:24 - Manobo Western Bukidnon OT

²⁴ Engkezi niw heeyan, menge anak, su kenà heini meupiya is nezineg ku puun te menge etew te Nengazen.”

1 Samuel 2:24 ပူးပေါင်းရင်းမြစ်များ

1 Hadì 15:26

Mezaat is ulaula zin diyà te etuvangan te Nengazen. Mid-iringan din is betasan te amey zin wey is salà he mibeelan din, he nehimu he hinungdan te kebpekesalà te menge tig-Israel.

1 Hadì 15:30

Su nepeukan te Nengazen he Megbevayà te Israel si Jeroboam tenged te menge salà he mibeelan din, he nehimu he hinungdan te kebpekesalà te menge tig-Israel.

2 Hadì 10:31

Piru wazà medtuman si Jehu te menge kesuǥuan te Nengazen he Megbevayà te Israel, pinaaǥi te tivuuk he gehinawa zin. Kekenà, mid-iringan din is menge salà ni Jeroboam, he nehimu he hinungdan te kebpekesalà te menge tig-Israel.

Exodus 32:21

Ne migkaǥi sikandin diyà te ki Aaron te, “Hengkey is mibeelan kayi te menge etew ziyà te kenikew? Su maan is midtuǥutan nu sikandan te kebaal te zekelà he salà?”

Malakias 2:8

Piru sikiyu is menge memumuhat midsuwayan niw is hustu he zalan ne pinaaǥi te penurù niw mahabet is neseligkat; midsupak niw is kebpekid-uyun ku te kepuun niw he si Levi.

1 Samuel 2:17

Utew heini zekelà he salà he nehimu te menge anak ni Eli he naahà te Nengazen diyà te kandan, su wazè dan tehuza is pemuhat para te Nengazen.

1 Samuel 2:22

Meǥurang en utew si Eli. Netuenan din is langun he kenà meupiya he ed-ul-ulahan te menge anak din diyà te menge Israilihanen. Wey nezineg din daan he midhilevetan dan is menge vahi he ebpenilbi zutun te ǥemawan te Tulda he Edtelevukaayan.

1 Samuel 2:23

Migkeǥiyan ni Eli sikandan te, “Nezineg ku ziyà te menge etew is langun he menge mezaat he vaal niw. Maan is ebpekevaal kew keniyan?