1 Samuel 2:2 - Manobo Western Bukidnon OT

² Wazà ebpekeiring te Nengazen su waǥas sikandin. Wazà ebpekerepeng kandin. Wazà eputà he vatu he iring te Megbevayè tew.

1 Samuel 2:2 ပူးပေါင်းရင်းမြစ်များ

2 Samuel 22:32

Iyan ke zà, Nengazen, kes Megbevayà; kes endilungè dey he vatu.

2 Samuel 7:22

“Nengazen he MEGBEVAYÀ, utew ka iyan gemhanan! Wazà iyan ebpekerepeng kenikew wey wazè en minsan hentei pa he Megbevayà gawas kenikew. Wazè dey nezineg he megbevayà he iring kenikew.

1 Hadì 8:23

ne ke sikandin te mid-ampù te, “Nengazen, Megbevayà te Israel, wazè en Megbevayà he iring kenikew ziyan te langit wey kayi te tanà. Metinumanen ka te saad nu wey layun nu ibpaahà is kebmahala nu te menge suluǥuen nu he edsunud kenikew te tivuuk he ǥehinawa zan.

Salmo 111:9

Midlibri zin is menge etew zin, ne midhimu zin is kebpekid-uyun kandan te wazà pidtemanan. Waǥas sikandin wey egkein-inuwan.

Salmo 18:2

Iyan ka, Nengazen, batu he endilungè ku, melig-en he elesè ku wey menluluwas. Iring ka te elesà he vatu, he ed-eles a ziyà te kenikew. Iyan ka kelasag ku, mekeǥeǥehem he menluluwas, wey eputà.

Salmo 18:31

Iyan ke zà, Nengazen, kes Megbevayà; kes endilungè dey he vatu.

Salmo 71:19

Is ketazeng nu, Megbevayè ku, kenà egketegkad. Egkein-inuwan is mibpemeelan nu; wazà iyan iring kenikew.

Salmo 71:3

Kelesaǥi a iring te nekeendilung a te vatu, su ziyè e zà layun te kenikew edangep. Kenà duwazuwa he edlibriyen a kenikew, su iyan ke man endilungè ku wey melig-en he elesà ku.

Salmo 73:25

Wazè en duma ziyà te langit he egkinehenglanen ku, kekenà, iyan ke zà. Su ǥeina te kayi ka te kediey, wazè en duma pa he ebpengenduyen ku kayi te kelibutan.

Salmo 86:8

Wazà megbevayà he iring kenikew, Nengazen; wazà minsan hentei he ebpekehimu te nengehimu nu.

Salmo 89:6

Wazà minsan sevaha ziyà te langit he iring kenikew, Nengazen. Wazà ilengiten he linimbag he igkepetug-iring kenikew.

Salmo 89:8

Nengazen he Megbevayà he Mekeǥeǥehem, wazà minsan hentei he iring kenikew; mekeǥeǥehem ka wey metinumanen diyà te langun he ebeelan nu.

Salmo 99:3

Edeliǥen sikandin te menge etew su mekeǥeǥehem wey egkein-inuwan sikandin. Waǥas sikandin!

Salmo 99:5

Deliǥa is Nengazen he Megbevayè tew. Ezapa niw sikandin diyà te valey zin. Waǥas sikandin!

Salmo 99:9

Deliǥa is Nengazen he Megbevayè tew. Simbaha niw sikandin diyà te segradu he vuvungan he migaked din, su waǥas is Nengazen he Megbevayè tew.

Exodus 15:11

Wazà ed-ezapen te menge etew he ebpekerepeng kenikew, Nengazen. Wazà ebpekerepeng kenikew te kegkewaǥas nu wey kegkemekeǥeǥehem. Iyan ke zà Megbevayà he mibaal te egkein-inuwan he menge vaal!

Isaias 40:18

Umbe hentei is igkehindeg niw te Nengazen? Etawa hengkey is ibpetug-iring niw kandin?

Isaias 44:6

“Iyan heini egkeǥiyen te Nengazen, kes hadì wey Menluluwas te Israel, he Mekeǥeǥehem he Nengazen: Iyan a kes nehuna wey egkepengkusan te langun. Wazè en duma he Megbevayà gawas kediey.

Isaias 44:8

Kenè kew mahandek wey kulbai. Kenè be impezayag ku en keniyu zengan is menge tuyù ku keniyu? Ne iyan kew mismu menge tistiǥus ku is menge Israilihanen. Duen pe be selakew en he Megbevayà gawas kedì? Wazè en! Wazè en netuenan ku he endilungà he vatu gawas kediey.”

Isaias 57:15

Iyan daan heini egkeǥiyen te Utew Lavew he Megbevayà, kes Waǥas he Megbevayà he wazà pidtemanan te untung din: “Diyà a ed-ubpà te metikang wey segradu he lugar, piru ed-ubpa a zaan duma te menge etew he kenà ebpelavew wey mid-iniyug te mezaat he ulaula su wey ku sikandan melig-eni.

Isaias 6:3

Ne ebpekegkeǥiyà sikandan te: “Waǥas, waǥas, waǥas is Nengazen he Mekeǥeǥehem he is kebpekiduma zin nekeeneb te tivuuk he kelibutan.”

Jeremias 10:6

He Nengazen, wazà iring kenikew. Mekeǥeǥehem ka ne utew lavew is ngazan nu.

Leviticus 11:45

Iyan a Nengazen he mibpeǥawas keniyu puun te Ehipto su wey a mehimu he Megbevayè niw. Umbe mebpekesegradu kew su waǥas a.

Leviticus 19:2

he keǥiya zin heini ziyà te tivuuk he keet-etawan te Israel: Pengungubpaan kew he segradu su waǥas a is Nengazen he Megbevayè niw.

Deuteronomio 3:24

‘He Nengazen he MEGBEVAYÀ, impuun nu en ipaahà kedì te suluǥuen nu is kegkemekeǥeǥehem nu; wazà Megbevayà diyà te langit wey kayi te tanà he ebpekehimu te egkengein-inuwan he mibeelan nu.

Deuteronomio 32:20

Ke sikandin te, “Ed-iniyuǥan ku sikandan su ed-ahaan ta ke hengkey is egkepeveyaan dan, su mezaat sikandan he lapis te kevuwazan, menge anak he kenà metinumanen.

Deuteronomio 32:39

Ahaa niw is puriba ǥuntaan he iyan e zà Megbevayà! Wazè en duma he Megbevayà gawas kedì. Iyan a edhimatey ne iyan a zaan ebeǥey te untung; iyan a ebpalì wey iyan a zaan ebawì te palì, ne wazà egkelibri emun edezeetan ku.

Deuteronomio 32:4

Iyan sikandin batu he endilungè ku; utew hustu is menge vaal zin, wey metazeng is langun he menge paaǥi zin. Metinumanen sikandin he Megbevayà ne kenà sikandin egkesayep; metazeng sikandin ne hustu is menge vaal zin.

Deuteronomio 4:35

Impeehè keniyu haazà he menge hitavù su para metueni niw he is Nengazen iyan Megbevayà ne wazè en duma pa.

Deuteronomio 4:39

“Umbe tentenuzi niw heini ǥuntaan ne kenè niw lipati he is Nengazen he Megbevayà diyà te langit wey kayi te tanà, ne wazè en duma pa he Megbevayà.