1 Samuel 2:17 - Manobo Western Bukidnon OT

¹⁷ Utew heini zekelà he salà he nehimu te menge anak ni Eli he naahà te Nengazen diyà te kandan, su wazè dan tehuza is pemuhat para te Nengazen.

1 Samuel 2:17 ပူးပေါင်းရင်းမြစ်များ

Genesis 10:9

Nevantug si Nimrod he mengenganup tenged te intuǥut haazà kandin te Nengazen. Ne tenged dutun, duen layun dan egkekaǥi zengan he ke sikandan te, “Iring ki Nimrod is utew nevantug he mengenganup su iyan intuǥut kandin te Nengazen.”

Genesis 13:13

Ne is menge meǥinged dutun te Sodom, utew menge mekesesalà. Utew mezaat is menge salè dan he supak te Nengazen.

Genesis 6:11

Naahà te Megbevayà he utew meremerik is menge ulaula te tivuuk he menusiyà wey utew kenà memetazeng is menge vaal zan.

2 Hadì 21:6

Impemuhat ni Manase is keugelingen din he anak pinaaǥi te hapuy. Mibaal zaan sikandin te menge vaal te menge veyilan wey menge menenagnà, ne ed-insà daan sikandin diyà te menge veyilan he ebpekidlalag te ǥimukud te nemematey en. Utew subra is kebaal zin te salà diyà te Nengazen, ne ingkepauk heini te Nengazen.

Salmo 51:4

Diyè e zà te kenikew mekesalà. Mibeelan ku is menge vaal he mid-isip nu he mezaat. Umbe hustu is menge lalag nu he ebpekesuǥat kedì. Utew hustu is kedhukumi nu kediey.

Isaias 3:8

Kenà duwazuwa he egkezeetan is Jerusalem wey is Juda, tenged te iyan dan ebeelan wey ebpengeǥiyen is igkeepes te Nengazen. Wazè dan mebpezizalem te zekelà he keǥehem te Nengazen.

Malakias 2:13

“Duen pa mibeelan niw: Impetiǥis niw is menge luhè niw ziyà te pemuhatà he para te Nengazen. Midsineǥew kew wey midlelendag su wazè din seǥipaa wey zewata is menge pemuhat niw.

1 Samuel 2:16

Emun egkaǥi is nemuhat he edteǥazan dèpa he ikepemuhat kes tavà te usa ne human din pa egkekuwa is egkesuatan din, iyan heini egkeǥiyen din, “Kenà egkehimu. Kinahanglan he iveǥey nu en guntaan, su emun kenà, ne ed-eǥawen ku heeyan diyà te keniyu.”

1 Samuel 3:13

Su mibpetizeenan ku sikandin he edsilutan ku is pemilya zin taman te taman tenged te mibpesagdan din is menge anak din te kebaal te salà he utew mekeeled-eled minsan netuenan din haazà.