1 Samuel 2:14 - Manobo Western Bukidnon OT

¹⁴ Ne edtiyuken dutun te suluǥuen haazà is usa zutun te seled te kuzen etawa te diniyun. Ne is egketiyuk dutun te tinidur ne iyan bahin dan te menge memumuhat. Iyan heini ebeelan dan kada ebpemuhat is menge Israilihanen diyà te Shilo.

1 Samuel 2:14 ပူးပေါင်းရင်းမြစ်များ

Isaias 56:11

Iring sikandan te leǥezen he menge asu he kenà egkepezaan. Menge perevantey sikandan te Israel he wazè dan kedsavut. Is kada sevaha kandan mibpenigudu en mebaal te egkesuatan din te ebaal ne iyan dà edtinguhaan din is kandin dà he keupiyaanan.

Leviticus 7:34

Ibeǥey te Nengazen is kumeng wey is buvun te pemuhat niw ziyà te menge memumuhat he si Aaron wey is menge kevuwazan din. Iyan heini vahin he edewaten dan diyà te keniyu taman te taman.

Malakias 1:10

Migkaǥi is Nengazen he Mekeǥeǥehem, “Deyzey pezem ke zuen sevaha keniyu te menge memumuhat he edlekeb te menge pultahan te valey ku, su wey kew kenè ne meketetavun diyà te pemuhatà he para kediey te hapuy he wazè din pulus. Kenè ku edewaten is menge ibpemuhat niw, su wazè ku sikiyu ikelipey.

1 Samuel 2:13

Tenged te wazè dan sunuza is menge sulunuzen mehitenged te egkezawat te menge memumuhat he ebpuun te pemuhat te menge etew. Iyan heini ebeelan dan dutun emun duen menge pemuhat: te kenè pa edheunen haazà is usa he ibpemuhat, ibpehendutun dan is menge suluǥuen dan he ed-uwit te zekelà he tinidur he tetelu is ngipen.

1 Samuel 2:15

Emun kenè pa edtutungen is tavà dutun te usa, ed-uvey haazà is menge suluǥuen dutun te etew he nemuhat ne ke sikandan te, “Beǥayi te usa is memumuhat para edtuuǥen. Kenà sikandin egkesuat te sinevawan, iyan egkesuatan din is mehilew.”

1 Samuel 2:29

Guntaan, maan is egkevuten niw pa is menge pemuhat para kedì? Maan is iyan nu ibpelavi is menge anak nu kenà siak? Su ebeleǥazen nu sikandan he iyan dan ibpelambù is kandan he keugelingen dutun te menge meupiya he vahin dutun te pemuhat he ebpuun te menge etew ku he Israilihanen.