1 Samuel 2:12 - Manobo Western Bukidnon OT

¹² Is dezuwa he menge anak ni Eli menge tulebung he menge etew. Wazè dan medtuman te suǥù kandan te Nengazen.

1 Samuel 2:12 ပူးပေါင်းရင်းမြစ်များ

1 Hadì 21:10

Ne ipepinuu niw ziyà te etuvangan din is dezuwa he menge buguy para isumbung dan sikandin he mibpenrewakan din is Megbevayà wey is hadì. Ne uwita niw sikandin diyà te gawas te inged ne penulenga niw te vatu taman te ebpatey.”

1 Hadì 21:13

Ne zutun dutun duen nekeuma he dezuwa he menge buguy ne mibpinuu zan diyà te etuvangan ni Nabot, ne insumbung dan sikandin diyà te etuvangan te menge etew. Ke sikandan te, “Mibpenrewakan ni Nabot is Megbevayà wey is hadì.” Umbe mid-uwit dan si Nabot diyà te ǥawas te inged ne mibpenuleng dan te vatu taman te kebpatey zin.

Jeremias 2:8

Minsan is menge memumuhat ne wazè en mebpen-ahà kedì. Is ebpenurù te kesuǥuan wazà mekekilala kedì. Is menge pengulu ne nekidsukulà kedì. Ne is menge ebpeneuven, midheǥet dan is menge lalag dan pinaaǥi te ed-ezapen he egngezanan ki Baal, ne midsunud dan te zuma he menge ed-ezapen he wazà menge pulus.

Jeremias 22:16

Midlevanan din is ketenged te menge pubri wey egkengeey-eyuwan, umbe midlampus sikandin. Iyan heeyan hustu he paaǥi te kedtehuza kedì te Nengazen.

Jeremias 9:3

Migkaǥi is Nengazen te, “Menge tarù is egawas diyà te vèbà te menge etew ku he iring te panà he andam en he ibpanà. Tarù is egkeseksiyan kayi he tanà ne kenà tutuu. Midsubre en is kebaal zan te salà, ne wazè e zan kilelaa.

Jeremias 9:6

Pudu kedlimbung is menge vaal zan, ne wazè dan en megkilala kediey.

Ezekiel 22:26

Is menge memumuhat dan wazà medtuman te kesuǥuan ku, ne midremerikan dan is segradu he menge azen ku. Imped-iring dan dà is segradu wey kenè segradu, is lumpiyu wey meremerik, ne wazè dan tumana is menge ibpetuman ku emun Andew te Kedhimeley. Umbe nekekaǥi a te pinaaǥi keniyan wazè e zan tehuza.

Deuteronomio 13:13

is duen duen lalung he menge etew he midtazin dan is menge meǥinged dutun he inged su migkaǥi sikandin te, ‘Ed-azap kiw te selakew en he menge ed-ezapen’ (menge ed-ezapen he wazè niw mekilala).

Deuteronomio 13:14

Kinahanglan he ebpurungan niw heini edsusiya ke tutuu ve. Ne emun tutuu he neulaula heini is utew mezaat he vaal,

Zatù 19:22

Dutun te kedlipeylipey zan, midtik-awan liǥuyi te lalung he menge etew zutun te inged haazà is baley ne mibpemukpuk dan is gemawan. Ne mibensaǥan dan sikan is meǥurang te, “Ipeǥawas nu heeyan is meǥeliyug nu he maama su edhilevetan dey sikandin.”

Zatù 2:10

Ne hein nemematey en is menge etew zutun he lapis te kevuwazan, nekeilis is sunud he lapis te kevuwazan he wazà mekekilala te Nengazen wey wazè dan hanew ke hengkey is mibeelan te Nengazen para te Israel.

1 Samuel 10:27

Duen dutun menge etew he wazà menge pulus he ed-undaunda ki Saul. Ke sikandan te, “Ebmenmenuwen kayi he etew te kedluwas kenitew?” Wazè dan beǥayi si Saul te gasa. Piru wazè en megkaǥi si Saul.

1 Samuel 25:17

Guntaan is-isipa nu ke hengkey is meupiya he ebeelan nu, su ebpekeveǥey heini te kezeetan diyà te esawa nu pehendiyè en te tivuuk he pemilya. Utew mezaat is betasan din, ne wazè din ebpemineǥen he etew.”

1 Samuel 3:13

Su mibpetizeenan ku sikandin he edsilutan ku is pemilya zin taman te taman tenged te mibpesagdan din is menge anak din te kebaal te salà he utew mekeeled-eled minsan netuenan din haazà.

1 Samuel 3:7

Dutun he penahun wazè pa mekilala ni Samuel is Nengazen su wazè pa meulaula is nekidlalag kandin is Nengazen.