1 Samuel 2:11 - Manobo Western Bukidnon OT

¹¹ Ne mid-ulì si Elkana wey si Hana ziyà te Rama. Piru intaǥak dan dà si Samuel wey mekepenilbi en te Nengazen he iyan egalen din wey ed-elima kandin si Eli he memumuhat.

1 Samuel 2:11 ပူးပေါင်းရင်းမြစ်များ

1 Samuel 1:1

Duen sevaha he etew he kevuwazan ni Zuf he egngezanan ki Elkana. Heini sikandin ne ziyà med-ubpà te Rama diyà te vuvungan te Efraim. Anak sikandin ni Jeroham he anak ni Elihu. Ne si Elihu anak sikandin ni Tuhu he anak ni Zuf, he ebpuun te tribu ni Efraim.

1 Samuel 1:19

Meselem utew zutun te sunud he andew, mid-enew si Elkana wey is tivuuk he pemilya zin ne mid-azap dan is Nengazen. Ne human dan med-ulì diyà te ubpaan dan he Rama. Ne midhulizan ni Elkana si Hana ne midtavak te Nengazen is menge pengemuyù ni Hana he ebeǥayan sikandin te anak.

1 Samuel 1:28

Umbe, guntaan idhalad ku sikandin diyà te Nengazen, wey mekepenilbi sikandin te Nengazen seled te tivuuk he untung din.” Ne zutun midsimba zan is Nengazen.

1 Samuel 2:18

Dutun he timpu, is batà he si Samuel pedayun he mibpenilbi te Nengazen. Midsul-ub sikandin te ipud he linu.

1 Samuel 3:1

Dutun he menge andew he si Samuel ebpenilbi en te Nengazen, dizalem sikandin te kedumala ni Eli, ne mezelag dà ebpekidlalag is Nengazen, wey deisey zà is egkengelewasan.

1 Samuel 3:15

Nekelipezeng si Samuel taman te egkepawà, ne mibpuwasan din is gemawan te valey te Nengazen. Egkahandek si Samuel he ebpenudtul ziyà te ki Eli mehitenged te impahayag te Nengazen diyà te kandin.

1 Samuel 7:17

Ne ebpekepasad ne ed-ulì maan sikandin diyà te Rama, su pengulu zaan sikandin te menge etew zutun. Ne mibaal sikandin dutun te pemuhatà para te Nengazen.