1 Samuel 2:10 - Manobo Western Bukidnon OT

¹⁰ Id-awè din is menge etew he edsukul kandin. Ibperuǥung din is langit he tuus te kegkepeuki zin te menge kuntada zin. Su is Nengazen, edhukuman din is tivuuk he kelibutan. Tenged kandin egkehimu he gemhanan is pinilì din he hadì.”

1 Samuel 2:10 ပူးပေါင်းရင်းမြစ်များ

2 Samuel 22:14

Is laǥeng nu Nengazen, te Utew Lavew he Megbevayà, iring te ruǥung diyà te langit.

2 Samuel 7:13

Iyan sikandin ebangun te valey para te kebeǥey kedì te zengeg, wey edsigureduwen ku he is menge kevuwazan din ebpekahadì taman te taman.

2 Samuel 7:8

“Keǥiyi nu pa si David he iyan a, is Nengazen he Mekeǥeǥehem, egkaǥi te, ‘Mibantey ke zà dengan te menge kerehidu, piru mibpilì ku sikew he edumala te menge etew ku he Israilihanen.

Job 40:9

Mekeǥeǥehem ke ve iring kedì? Edraǥeb be is laǥeng nu iring te kedì?

Salmo 132:17

Ibpahadì ku ziyà te Zion is hadì he kevuwazan ni David ne egkeiring sikandin te sulù he kenà egkeevukan.

Salmo 148:14

Midlig-enan din wey mibeǥayan din te zengeg is metinumanen he menge etew zin, he iyan is menge tig-Israel he utew zin pelanggà. Deliǥa is Nengazen!

Salmo 2:2

Is menge hadì wey is menge pengulu kayi te kelibutan, ne midtiǥum dan wey nengandam te kebpekidtebek te Nengazen wey te hadì he mibpilì din.

Salmo 2:6

Ke sikandin te, “Diyà te Zion, kes segradu he vuvungan ku, insavuk ku is mibpilì ku he hadì.”

Salmo 2:9

Dumelaha nu sikandan, he wazè ebpekesukul te kedumala nu. Iring sikandan te ziniyun he ǥelemiten he edrupeten nu.’ ”

Salmo 20:6

Guntaan netuenan ku he ibeǥey te Nengazen is kezeeǥan diyà te mibpilì din he hadì. Ne ziyà te langit he iyan kes segradu he ubpeey zin, edtevaken din is ked-ampù dutun te mibpilì din. Ne layun din ibpezaag pinaaǥi te gehem din.

Salmo 20:7

Emun duen tebek, is duma edsarig te menge kerwahi zan, ne is duma pa ne edsarig te menge kudè dan, iyan, sikami mulà, iyan edseriǥan dey is Nengazen he iyan Megbevayè dey.

Salmo 21:1

Nengazen, mibmelipayen is hadì he pinilì nu, tenged te mibeǥayan nu sikandin te zesen. Utew sikandin nelipey su mibpengelinteuwan nu he mekezaag sikandin.

Salmo 28:8

Iyan ka, Nengazen, mibeǥey te zesen diyà te menge etew nu. Iyan ka melig-en he eputà wey menluluwas te pinilì nu.

Salmo 45:7

Igkesuat nu is metazeng, iyan, igkeepes nu mulà is mezaat. Umbe, mibpilì ka te Megbevayà he Megbevayè nu, ne imbeǥey zin kenikew is kelipey he lavew pa te kelipey te menge zuma nu.

Salmo 89:17

Ebpekezantal key tenged te zesen he imbeǥey nu kenami; ne tenged te keupiya nu kenami ed-umanan nu is egkehimu zey.

Salmo 89:24

Ebmahalen ku sikandin wey ebpekid-uunungen a kandin. Ne ed-umanan ku is egkehimu zin pinaaǥi te ǥehem ku.

Salmo 89:25

Ibpeiseg ku is keluag te ginhedian din su edhimuwen ku he puun dà te Daǥat he Mediteraneo ne taman en te Wahig he Eufrates.

Salmo 96:13

ziyà te etuvangan te Nengazen. Su edhendini sikandin te kedhukum te menge etew kayi te kelibutan. Egkezumahan te ketazeng wey ketutuanan is kedhukum din.

Salmo 98:9

Egkelipey zan diyà te etuvangan te Nengazen su edhendini sikandin te kedhukum te menge etew kayi te kelibutan. Metazeng is kedhukumi zin kandan wey wazà bintahà.

Exodus 15:6

Utew lavew is gehem nu Nengazen; pinaaǥi kayi midruntek nu is menge kuntada.

Megwewali 11:9

Sikew is betan-en, medlipey ka kayi te kebpengungubpaan nu te vetan-en ke pa. Beeli nu is egkesuatan nu te ebaal, piru tentenuzi nu he edhukuman ka te Megbevayà pinaaǥi te langun he menge vaal nu.

Megwewali 12:14

Su edhukuman kiw te Megbevayà pinaaǥi te langun he menge vaal tew, meupiya etawa mezaat, ragkes en is meeles is ked-ul-ulaha tew zuen.

Isaias 29:6

Edtentenuzan te Nengazen he Mekeǥeǥehem is Jerusalem, ne ebpekeuma sikandin he zuen ruǥung, linug, dekelà he keǥurub, eribpures, bagyu, wey edriyubriyub he hapuy.

Isaias 32:1

Duen keuzemà hadì he metazeng, ne is menge upisyal zin, wazà egkevintahaan diyà te kedumala zan.

Isaias 45:24

Egkaǥi sikandan te, ‘Pinaaǥi zà te Nengazen ebpekaangken is etew te zesen wey kezeeǥan duma is ketazeng.’ ” Is langun he edumut te Nengazen ed-uvey ziyà te kandin is egkengepeel-elezan.

Ezekiel 29:21

“He Ezekiel, diyà te timpu te kegkeul-ulaha kayi, ed-umanan ku ed-enawa is Israel, ne egketuenan te menge Israilihanen he tutuu ves iyan is mibpengaǥi nu. Ne zutun egketuenan dan he iyan a Nengazen.”

Zatù 5:31

“Nengazen, berakat he mezeeti is langun he menge kuntada nu. Ne verakat mulà he meiring te andew he ebpurung edsiǥa is ebmahal kenikew.” Dutun he timpu melinawen is ked-ubpà diyà te Israel seled te 40 he tuig.

1 Samuel 12:13

Guntaan, heini en is hadì he mibpilì niw. Mibuyù niw sikandin, ne imbeǥey sikandin keniyu te Nengazen.

1 Samuel 12:17

Kenè be gulavung man heini he timpu is tiraǥun te trigu? Piru edhengyuen ku is Nengazen he iperuǥung din wey ipeuzan din. Ne zutun egkeisip-isip niw he mezaat bes diyà te etuvangan te Nengazen haazà is kebuyù niw te hadì.”

1 Samuel 12:18

Ne zutun mibuyù si Samuel ziyà te Nengazen, te haazà he andew, imperuǥung wey impeuzan te Nengazen. Nengahandek dutun is menge etew te Nengazen wey ki Samuel.

1 Samuel 12:3

Kayi a ǥuntaan te etuvangan niw, emun duen ingkesilag niw kedì, ne keǥiya niw kedì guntaan kayi te etuvangan te Nengazen wey te hadì he mibpilì din. Duen ku ve mibpeǥespeǥes keniyu te kegkuwaa ku te vaka wey ke asnu ziyà te minsan hentei keniyu? Duen ku ve midlimbungan keniyu etawa midlupiglupiǥ? Wazè ku ve ikula is hustu he kukuman su mibpesuhul a? Emun duen ebpekepenistiǥus he zuen ku neveelan kayi ziyà te minsan hentei keniyu, ne ebeyazan ku heeyan.”

1 Samuel 15:28

Migkeǥiyan ni Samuel te, “Iring kayi is egkeulaula kenikew: egkuwaan guntaan te heini he andew te Nengazen diyà te kenikew is ginhedian te Israel ne ibeǥey zin te iring nu zed he Israilihanen he meupiya pa kenà sikew.

1 Samuel 16:1

Neuma is timpu zutun, ne migkeǥiyan te Nengazen si Samuel te, “Sengemenu ves keluǥayad is kedlalew nu ki Saul? Id-awè ku en sikandin he hadì te Israel. Guntaan penua nu te lana heeyan is teleǥuey nu he sungey, ne hendiyè ka te ki Jesse he tig-Betlehem, su mibpilì ku is sevaha zutun te menge anak din he iyan egkehimu he hadì.”

1 Samuel 7:10

Ne te kemulu pa si Samuel ebpemuhat te pemuhat he edtutungen, nemekeume en is menge Filistihanen su ebpekidtebek dan te menge Israilihanen. Piru zutun he andew imperuǥung te Nengazen te utew mezaǥing ne nengahandek dan ne nekedsusuwey zan.