1 Samuel 2:1 - Manobo Western Bukidnon OT

¹ Ne zutun nengemuyù si Hana, “Utew ku igkelipey is Nengazen tenged te in-awè din is igkeeled ku. Ed-engitan ku ǥuntaan is menge kuntada ku; melipayen a utew te kedluwasa zin kedì.

1 Samuel 2:1 ပူးပေါင်းရင်းမြစ်များ

2 Cronica 20:27

Ne midlikù dan diyà te Jerusalem he mibpenguluwan ni Jehoshafat. Utew zan nengelipey tenged te impezaag kandan te Nengazen is menge kuntada zan.

Nehemias 11:17

si Matania he anak ni Mica (si Mica anak ni Zabdi, ne si Zabdi anak ni Asaf). Si Matania iyan nengegalen te menge perekanta te kegkanta te ampù he para te kebpeselamat; si Bakbukia he zuma ni Matania; si Abda he anak ni Shamua (si Shamua anak ni Galal, ne si Galal anak ni Jedutun).

Job 16:15

Mibivisti a te saku wey mibpinuu a ziyà te tanà is egkeseeng.

Salmo 118:14

Iyan is Nengazen mibeǥey kedì te zesen; iyan sikandin migkanta ku. Iyan sikandin menluluwas ku.

Salmo 13:5

Ebpekesarig a kenikew, Nengazen, su ǥeina te kenà egkaawà is kebmahala nu kediey. Ne utew a egkelipey su edlibriyen e man kenikew.

Salmo 148:14

Midlig-enan din wey mibeǥayan din te zengeg is metinumanen he menge etew zin, he iyan is menge tig-Israel he utew zin pelanggà. Deliǥa is Nengazen!

Salmo 18:2

Iyan ka, Nengazen, batu he endilungè ku, melig-en he elesè ku wey menluluwas. Iring ka te elesà he vatu, he ed-eles a ziyà te kenikew. Iyan ka kelasag ku, mekeǥeǥehem he menluluwas, wey eputà.

Salmo 20:5

Ed-ugyab key tenged te kezeeǥan nu, ne edsilibra key he edalig te Megbevayè tew. Berakat he iveǥey te Nengazen is langun he ebuyuen nu.

Salmo 21:2

Imbeǥey nu kandin is penganduy zin; imbeǥey nu kandin is ebuyuen din.

Salmo 35:9

Ne zutun egkelipey a tenged te kedlibriya nu kedì, Nengazen.

Salmo 51:15

Nengazen, tevangi a kenikew su wey a mekekaǥi te menge lalag he idalig kenikew, ne edeliǥen ku sikew.

Salmo 71:8

Layun ku edeliǥa is kegkemekeǥeǥehem nu.

Salmo 75:10

Id-awè din is gehem te menge lalung he menge etew, ne ed-umanan din mulà is gehem te menge metazeng.

Salmo 89:17

Ebpekezantal key tenged te zesen he imbeǥey nu kenami; ne tenged te keupiya nu kenami ed-umanan nu is egkehimu zey.

Salmo 89:18

Nengazen, Waǥas he Megbevayà te Israel, gaked nu is hadì dey he iyan kelasag dey.

Salmo 89:24

Ebmahalen ku sikandin wey ebpekid-uunungen a kandin. Ne ed-umanan ku is egkehimu zin pinaaǥi te ǥehem ku.

Salmo 9:14

su wey ku ikeseysey ziyà te menge etew ziyà te menge pultahan te inged he Zion is menge mibeelan nu, he iyan igkezeliǥa ku kenikew. Ne edlipey a zutun tenged te kedlibriya nu kediey.

Salmo 92:10

Mibeǥayan a kenikew te zesen he iring te zesen te tudu he vaka, wey mibeǥayan a kenikew te kelipey.

Exodus 15:1

Migkanta ni Moises wey is duma he menge Israilihanen diyà te Nengazen heini he kentahan: “Egkentahan ku is Nengazen, su mezeeǥen sikandin. Insinumag din diyà te zaǥat is menge kudà wey is ebpemen-untud duen.

Exodus 15:21

Ne migkentahan ni Miriam sikandan te heini he kanta: “Kentahi niw is Nengazen, su utew sikandin mezeeǥen. Insinumag din diyà te zaǥat is menge kudà wey is nemen-untud kayi.”

Habakuk 3:1

Iyan heini ampù te ebpeneuven he si Habakuk:

Habakuk 3:18

egkelipey a gihapun su ǥeina te iyan midlibri kedì is Nengazen he Megbevayà.

Deuteronomio 33:17

Is desen din meiring te zesen te kinekekayan he tudu he vaka. Is gehem din meiring te ǥehem te sungey te kelesanen he vaka. Pinaaǥi kayi edèdeetan din is menge nasyun minsan is diyà te kinemeziyuan he vahin kayi te kelibutan. Iyan heini penuvadtuvad ku te mahabet he menge etew he egkeǥepak diyà te ki Efraim wey ki Manase.”

1 Samuel 1:6

Ne tenged te kenà sikandin ed-anak, layun ebaal si Penina te igkererengiti wey ed-el-elezen din is duwey zin.

1 Samuel 1:7

Iyan heini egkeulaula kada tuig. Kada edhendiyà si Hana te valey te Nengazen ne ed-un-undahan sikandin ni Penina umbe ebpekesineǥew zà sikandin ne kenà egkesuat he egkaan.