1 Samuel 19:4 - Manobo Western Bukidnon OT

⁴ Ne miduma ni Jonatan si Saul ziyà te vevesukà, ne midalig ni Jonatan si David etuvangan te amey zin. Ke sikandin te, “Amà, kenè nu himetayi si David he suluǥuen nu. Wazè din neveelan he salà kenikew. Utew ganì dekelà is neveelan din he keupiyaanan kenikew.

1 Samuel 19:4 ပူးပေါင်းရင်းမြစ်များ

Genesis 42:22

Ne migkaǥi zutun si Reuben te, “Migkeǥiyan ku zengan sikiyu te, ‘Kenè niw pesipelahi is hazi tew? Piru wazè kew mebpemineg kedì. Umbe edsilutan kiw en guntaan tenged te kemetayen din.’ ”

Genesis 9:6

Ke zuen etew he edhimatey te zuma zin he etew edhimetayan daan sikandin te zuma zin he etew. Su midlimbag te Megbevayà is etew he iring te zagwey zin.

2 Cronica 6:22

“Emun is sevaha he etew idsumbung he nekesalà diyà te iring din he etew, ne haazà ibpehendiyà te pemuhatà para kenikew kayi te valey nu te kebpenangdù he wazè din salà,

Salmo 35:12

Mezaat is ibales dan te meupiya he ebeelan ku ziyà te kandan, umbe neselekawan a utew.

Salmo 59:4

Wazà neveelan ku he salà, piru andam sikandan he ed-surung kedì. He Nengazen he Megbevayà he Mekeǥeǥehem, Megbevayà te Israel, seǥipaa ad ne tevangi ad guntaan. Siluti nu en is menge etew he wazà medtuu kenikew. Kenè nu ikehizu is menge seligkep.

Erubasa 17:13

Emun mezaat is ibales ta te meupiya ne is mezaat kenà egkaawà diyà te valey ta.

Jeremias 18:20

Meupiya is mibeelan ku ziyà te kandan ne ebelesan e zan te mezaat. Mibangbang sikandan su para meulug a zutun. Tentenuzi nu he midangep a ziyà te kenikew te kedhangyù he kenè nu en sikandan kepeuki.

1 Samuel 2:25

Mid-uman megkaǥi si Eli te, “Ke zuen etew he ebpekesalà diyà te zuma zin, egkehimu he iyan ebpeteliwazà kandan is Megbevayà; piru hentei is egkehimu he ebpeteliwazà ke ebpekesalà is etew ziyà te Nengazen?” Ne zutun wazà pemineǥa te menge anak din is lalag din tenged te nepasad en is hukum kandan te Nengazen he edhimetayan sikandan.

1 Samuel 20:32

Mid-insà si Jonatan te, “Maan is ereg sikandin he edhimetayan? Hengkey ves is salà he neveelan din?”

1 Samuel 22:14

Midtavak si Ahimelec te hadì te, “Kenà heeyan egkehitavù! Su si David mekaamung nu, ne iyan pa sikandin suluǥuen nu he metinumanen, iyan pa sikandin egalen te menge vantey nu ne utew sikandin edtehuza te pemilya nu.