1 Samuel 19:23 - Manobo Western Bukidnon OT

²³ Dutun te ebpehendiyè en sikandin, mid-ulinan sikandin te Mulin-ulin te Megbevayà ne nekepenagnà sikandin taman te nekeuma sikandin diyà te Nayot.

1 Samuel 19:23 ပူးပေါင်းရင်းမြစ်များ

Erubasa 16:9

Pinaaǥi te isip te etew edhimuwen din is pelanu zin piru iyan egiya kandin is Nengazen.

Erubasa 21:1

Is isip te menge hadì ne iring te wahig he iyan ebayàbayà is Nengazen te kedtudè din. Iyan ebayàbayà kayi sikandin sumalà te egkesuatan din.

Numero 23:5

Ne migkaǥi te Nengazen diyà te ki Balaam is ibpetuenan din, ke sikandin te, “Likù ka ziyà te ki Balak ne keǥiya nu kandin heini he menge lalag is migkaǥi ku.”

Numero 24:2

ne zutun neehè din is menge Israilihanen he mibpesibsivayà megkampu is kada tribu. Ne mibpurungan sikandin ulini te Mulin-ulin te Megbevayà,

1 Samuel 10:10

Dutun te nekeuma si Saul wey kes suluǥuen din diyà te Gibea, midsinuǥung kandan is grupu te menge ebpeneuven ne midseled diyà te kandin is Mulin-ulin te Megbevayà ne miduma sikandin kandan is ebpenagnà.

1 Samuel 10:12

Duen sevaha he etew he meǥinged dutun, midtavak te, “Kenà impurtanti is kegketueni ta te amey zin su egkehimu is minsan hentei he ebpeneuven.” Ne iyan heeyan ebpuunan te erubasa he egkaǥi te, “Ebpeneuven en bes si Saul?”

1 Samuel 10:6

Ne zutun, ed-ulinan ka te Mulin-ulin te Nengazen, ne ebpekaǥi ke en te kebpenagnà duma kandan, ne egkehimu ke en he veǥu en he etew.

1 Samuel 18:10

Sunud dutun he andew, midselezan si Saul te mezaat he mulin-ulin he midsuǥù te Megbevayà, ne ebmutegmuteg sikandin dutun te seled te valey zin. Ne migkuwa ni David is alpa ne intukar zin para ki Saul iring te layun din en ebeeli. Neisip ni Saul zutun te egawed te vangkew is, “Ebengkawen ku si David para mekezeket sikandin kayi te elavat.” Ne zutun mibangkew zin si David te kezezuwa, ne nekelikey si David.

1 Samuel 19:18

Umbe, nekepelaǥuy si David ne midhendiyà te ki Samuel diyà te Rama, ne midtudtulan din te langun he mid-ulaula kandin ni Saul. Ne zutun midhendiyè dan ki Samuel te Nayot ne ziyè dan med-ubpà.

1 Samuel 19:20

Ne midsuǥù sikandin te menge etew he edakep ki David. Hein nekeuma zan neehè dan is menge ebpeneuven he mibpenguluwan ni Samuel he mibpen-ulinan he ebpenagnà. Ne zutun mid-ulinan te Mulin-ulin te Megbevayà haazà is menge sakup ni Saul ne nekepenagnè dan daan.

1 Samuel 19:22

Umbe, iyan en si Saul midhendiyà te Rama. Hein nekeuma sikandin dutun te dekelà he vudsi he punduwà te wahig diyà te Secu, nenginginsà sikandin ke hendei si Samuel wey si David. Midtudtulan dan te ziyà te Nayot.