1 Samuel 19:10 - Manobo Western Bukidnon OT

¹⁰ ne mibangkew ni Saul si David su tuyù din he edhimetayan din. Piru nekelikey si David. Ne mibpelaǥuy si David te haazà kezukilemi.

1 Samuel 19:10 ပူးပေါင်းရင်းမြစ်များ

Salmo 124:7

Nekepelaǥuy kiw iring te tagbis he nelitag he nekaawà su merunut en is tali.

Salmo 18:17

Midluwas a kenikew zutun te mekeǥeǥehem he menge kuntada ku he kenè ku egkesukulan.

Salmo 34:19

Minsan mahabet is menge mereǥen he egkehitavù diyà te etew he metazeng, iyan, edlibriyen sikandin te Nengazen te langun dutun.

Salmo 37:32

Is lalung he menge etew, ed-eyanan dan is menge metazeng, su egkesuatan dan te edhimatey.

Erubasa 1:16

Su utew sikandan meǥaan he ebaal te mezaat wey ebunù te etew.

Erubasa 21:30

Wazà edlampus he ketau, kedsavut, etawa sambag he igkuntra te Nengazen.

Isaias 54:17

Is kada ǥumaan he mibeelan su igkuntra kenikew ne kenà ebpekekaid kenikew, ne egketavak nu is menge ibpesangil kenikew. Is egkepengevilin te menge suluǥuen ku, iyan is kezeeǥan duma is ketazeng. Iyan a, is Nengazen, is migkaǥi kayi.”

Hoseas 6:4

Piru migkaǥi is Nengazen te, “Menge etew te Israel wey Juda, hengkey is ebeelan ku ziyà te keniyu? Is kebmahala niw kedì ne meǥaan dà egkaawà; iring dà heini te edsaǥad he virisbiris etawa zehemug emun meselem.

1 Samuel 18:10

Sunud dutun he andew, midselezan si Saul te mezaat he mulin-ulin he midsuǥù te Megbevayà, ne ebmutegmuteg sikandin dutun te seled te valey zin. Ne migkuwa ni David is alpa ne intukar zin para ki Saul iring te layun din en ebeeli. Neisip ni Saul zutun te egawed te vangkew is, “Ebengkawen ku si David para mekezeket sikandin kayi te elavat.” Ne zutun mibangkew zin si David te kezezuwa, ne nekelikey si David.

1 Samuel 19:6

Mibpezumazuma si Saul ki Jonatan, ne nenaad sikandin pinaaǥi te uuyag he Nengazen he kenè din en ebpehimetayan si David.

1 Samuel 20:33

Piru mibangkew sikandin te amey zin su edhimetayan din. Ne zutun din metueni he disididu is amey zin te kedhimatey ki David.